Er Kjartan Gunnarsson kannski búinn að velja peðin sem á að fórna . . . . . . ?

Hann er ekki af baki dottinn - gamli plottarinn sem stóð með Davið að baki öllum helstu undirbúningsverkefnum - græðgisvæðingarinnar . . . þegar stjórnarFLokkurinn skammtaði "vinveittum" sneiðarnar og sat sjálfur í stjórn Landsbankans með Björgólfunum . . . . .

Kjartan Gunnarsson sjálfur . . .

Nú segist hann vita "hverjir eru sekir" . . . og eins og í klassískum harmleikjum einræðisríkjann og í hreinsunum Stalíns "eiga þeir sjálfir að koma fram og játa" . . ábyrgð sína . . .

. . . þetta  bara versnar . . . . . .

Upplýsir ekki hverjir leituðu styrkja

Haraldur kveður . . .

Haraldur Bessason var nágranni minn um árabil í Vanabyggðinni.   Líka og lengur nágranni á skrifstofugangi í Þingvallstræti.    Þakkarvert að kynnast slíkum skemmtimanni og heyra sögur af fólki og fyrirbærum frá Skagafirði um Vestur-Ísland og allt til nútímans.   Okkar fyrstu samskipti - í blaðagreinum árið 1993-1994 -  voru ekki endilega ávísun á svo ánægjuleg kynni sem við síðan sannarlega áttum.

Haraldur hafði flestum betra lag á að segja frá þannig að af smáatriðum gæti orðið stór saga - með tengingum í allar áttir.  Um slíkt vitna bækurnar best - þar sem hann kemur víða við.   Lengi munu margir samferðamenn vitna til frásagna hans þegar menn ræða um það sem er til skemmtunar gert og sagt.

Margréti og börnum þeirra Haraldar og fjölskyldu sendum við Helga okkar samúðarkveðjur.

Haraldur Bessason látinn

Leiðrétting á skuldum heimilanna - -

Leiðrétting á verðtryggðum lánum heimilanna: 

Umræðan um leiðréttingu á verðtryggðum lánum heimilanna hefur tekið á sig form kappræðunnar eins og svo oft áður.   Menn hrópa hver að öðrum og beita jafnvel skætingi og útúrsnúningum í stað þess að rökræða af jákvæðni og góðvilja. 

Vandamálið er gríðarlega stórt: og þúsundir fjölskyldna hafa orðið fyrir miklu áfalli. Annars vegar vegna þess að menn hafa misst vinnuna eða hrunið í tekjum og hins vegar vegna þess að verðtryggingin hleður ofan á höfuðstól lánanna og þyngir greiðslubyrðina.  Ofan á þetta bætist að fasteignaverðið hríðfellur og spáð er allt að 50% verðfalli til ársloka 2010 sé miðað við ársbyrjun 2008. 

Eignir seljast ekki og þannig verður ekki virk verðmyndun og meira að segja Hagstofan ”leiðrétti” fyrir duldu verðfalli íbúða við síðasta útreikning vísitölunnar.    Þeir sem hafa orðið fyrir varanlegu tekjufalli sjá fram á að geta ekki staðið í skilum en geta samt ekki selt og komið þannig í veg fyrir neyðarástand. 

Hvort það eru 10 þúsund fjölskyldur eða 20 þúsund sem standa frammi fyrir þessu ástandi nú þegar er ekki gott að fullyrða – en við vitum að þeim fjölgar og mun fjölga hratt út þetta ár og það næsta ef ekki er gripið inn í.    

Hagsmunasamtök heimilanna eru beint og óbeint stofnuð vegna þessa ástands og til að kalla fram aðgerðir í þágu almennings og allra venjulegra fjölskyldna.  HH stóðu ásamt samstarfsaðilum að ”ákalli” til stjórnvalda um almennar aðgerðir í lánamálum heimilanna sem birt var 11. febrúar sl.  Þar var stungið upp á niðurfærslu/leiðréttingu á verðtryggingu.   Frá þeim tíma hefur Framsóknarflokkurinn að nokkru gert slíka kröfu  að sinni með 20% viðmiðun og Tryggvi Þór Herbertsson hagfræðingur hefur útfært sína 20% niðurfærsluleið. 

Þrjú atriði hafa  einkum verið tilgreind gegn (20%) almennri niðurfærslu lána eða leiðréttingu á óraunsærri og ranglátri vísitölumælingu í gegn um hrunið:

1.      Aðgerðin sé of kostnaðarsöm og ekki sé hægt að taka hana inn á efnahag banka og Íbúðalánasjóðs og ríkissjóður hafi ekki efni á að staðgreiða hana við ríkjandi aðstæður.  Svokallaðir ”kröfuhafar” muni ekki samþykkja slíkan almennan afslátt af kröfum.

2.      Með slíkri aðgerð væri verið að færa vel stæðu fólki fjármuni sem viðkomandi þurfi ekki á að halda – og fjármunum ríkisins væri betur beint til þeirra sem eru þurfandi; - til ”hinna verst settu:”

3.      Verðtryggingu verði að viðhalda til að tryggja ávöxtun lífeyrissjóðanna til framtíðar og leiðrétting eða niðurfærsla með almennri aðgerð kalli á að verðtrygging verði afnumin í lánaviðskiptum. 

Allt eru þetta röksemdir sem þörf er á að bregðast við og skýra. 

Seðlabankinn hefur birt ófullkomin gögn um skulda og fasteignastöðu heimilanna í landinu.   Meðan ekki er búið að staðsetja námslán og bílalán eða sjóðfélagalán lífeyrissjóðanna á kennitölur er ekki unnt að vita raunverulega nettó-stöðu heimilanna.   Einnig er hætta á að fasteignamatið sé hærra en raunverulegt markaðsverð  í sölu.   Engu síður verð ég að styðjast við gögn Seðlabankans í eftirfarandi.  

Því miður virðist sem einstakir aðilar hafi reynt að draga athyglina frá því hversu alvarlegt ástandið er hjá þúsundum heimila og hafa hugsanlega afvegaleitt umræðuna.    Það er heldur ekki alveg eðlilegt hversu illskeytt viðbrögð og ergileg hafa komið frá ráðherrum í ríkisstjórn og handgengnum ráðgjöfum þeirra.  Þar hafa bæði forsætisráðherra, fjármálaráðherra og viðskiptaráðherra misst sig í ósæmilega orðanotkun eða útúrsnúninga – um svo mikilvægt  mál.  

Um 20% niðurfærslu/leiðréttingu verðtryggðra lána fjölskyldnanna:

• Þegar fjallað er um verðtryggð lán er bæði um að ræða innlend krónulán bundin vísitölu neysluverðs og lán tekin hjá íslenskum bönkum en bundin erlendum gjaldmiðlum – oftast miðuð við Libor vexti og tiltekið fast vaxtaálag.
• Viðmiðun af 20% er til komin vegna hækkunar vísitölu neysluverðs – í gegnum og vegna hrunsins - - sem nemur ríflega 20%.   (hentug vinnutala til útreiknings)
• Viðmiðun við útreikning niðurfærslu er auðvelt að tilgreina við tiltekið gildi á vísitölu neysluverðs annars vegar og gengisvísitölu hins vegar (gengi gjaldmiðla)  - af því reiknikerfi bankanna ráða við útfærslu á slíkri niðurfærslu með afar litlum aukakostnaði.

 Með leiðréttingu/niðurfærslu á höfuðstól verðtryggðra lána heimilanna – eru markmiðin:

• Að færa það tjón sem gengishrun og verðbólga í gegnum hrunið hafa fært lántakendum einum – frá persónulegum fjárhag einstakra fjölskyldna í dag og yfir á sameiginlega sjóði – til greiðslu og afskrifta á lengri tíma.
• Að efla jafnræði lántakenda til móts við þann forgang sem fjármagnseigendur hafa þegar notið í beinum og óbeinum aðgerðum stjórnvalda til að tryggja 100% höfuðstól og ávöxtun á bankareikningum auk þess sem beint var amk. 200 milljörðum af efnahag föllnu bankanna inn á peningamarkaðssjóði.
• Að gera sem allra flestum fjölskyldum mögulegt að standa að fullu undir þeim lánaskuldbindingum sem hóflegar áætlanir – fyrir hrun – miðuðust við.
• Að lækka veðhlutfall eigna og skapa með því forsendur fyrir því að fólk sem orðið hefur fyrir varanlegu tekjufalli geti selt sig frá eignum og greiðslubyrði sem er þeim um megn.
• Að koma þannig aftur á virkri verðmyndun á fasteignamarkaði – og með því koma í veg fyrir að verðhrun fasteigna fari langt niðurfyrir jafnvægismörk til lengri tíma.
• Að lágmarka fjölda þeirra fjölskyldna sem lenda í þrotameðferð og þvingaðri greiðslubyrði – umfram hóf – og tryggja að uppgjör skulda yfirgnæfandi meirihluta geti átt sér stað innan eins árs.
• Að bæta lánasafn fjármálafyritækjanna og auka þannig innheimtuhlutfall þeirra.
• Að koma aftur á aukinni veltu og virkni neytendahagkerfisins og þar með fyrirtækja í framleiðslu og þjónustu.

 Hafa ber í huga að greiðslubyrði margra fjölskyldna markast talsvert eða mjög mikið af afborgunum  námslána og bílalána. Þegar búið er að staðsetja húsnæðisveðlán á kennitölur kemur í ljós að eigið fé nær 30 þúsund fjölskyldna er brunnið upp.    Þegar bætt verður við á bilinu 500-600 milljörðum (LÍN, lífeyrissjóðslán, bílalán) er varlegt að ætla að 50 þúsund fjölskyldur alls búi við neikvæða eignastöðu. 

18 þúsund manns eru atvinnulausir við mánaðamót mars apríl 2009. . . .  og 20 þúsund manns hafa misst ”hálaunastörf” og eru ýmist atvinnulausir eða í verulega miklu lægri launum.      Varlega áætlað eru þannig 30 þúsund fjölskyldur þegar búnar að verða fyrir varanlegu tekjufalli .   Og þeim gæti fjölgað umtalsvert næstu mánuði ef ekki verður gripið inn í. 

Framtíðarsýn þessarra 30 þúsund fjölskyldna og framtíðarlífsgæði þola ekki óvissu eða þvingaða greiðslubyrði – um árabil.  Sama hvort það er ”greiðsluaðlögun” – með frestun á fyrirséðu þroti – eða gjaldþrot með þvingaðri byrði og ósjálfstæði í 5-8 ár. 

Neytendahagkerfið þornar upp ef allt að 50 þúsund fjölskyldur búa um langan tíma við þvingaða greiðslubyrði - - sem er þeim of þung miðað við hækkun höfuðstóls lána annars vegar og varanlegt tekjufall hins vegar. 

Við þessar aðstæður er óraunsætt að taka allt að 50 þúsund fjölskyldur í ”greiðsluaðlögun” - - vegna umfangs og kostnaðar og þess tíma sem það tekur.    Það er einnig algerlega útilokað að reikna með því að ”greiðslujöfnun” og ”greiðsluaðlögun” – leysi vanda þeirra sem eru komnir að mörkum eignaleysis - - þar sem slíkt einkum/einungis frestar vandanum og hleður áfram á höfuðstól verðtryggðu lánanna og gerir gjaldþrot bæði líklegra og stærra.   

Verðtryggingu verður því að afleggja/takmarka um leið og niðurfærsla veðmarka á öllum fasteignum er framkvæmd - - því aðeins hefur aðgerðin fulla markaðshvetjandi áhrif. 

Skuldir heimilanna – milljarðar króna

Lánastofnun	2008-2009 áætlað	Með 20% leiðréttingu	Niðurfært/afskrifað
Íbúðalán bankanna	700	560 + (140 þegar afskrifað)	(Til vara: 140 með ”hóflegum” kjörum - skuldabréf ríkissjóðs – greiðist á vegnum gjalddögum á 20-40 árum)
Íbúðalánasjóður	600	480 + 120 skbr. Ríkissj.	120 með ”hóflegum” kjörum - skuldabréf ríkissjóðs -  greiðist á vegnum gjalddögum á 20-40 árum
LÍN	100	80 + 20 skbr.	20 – á ábyrgð rikissjóðs
Lífeyrissjóðir	130	104 +26 skbr. Ríkissj.	26 með ”hóflegum” kjörum ríkissjóðs
Bílalán	300	240+ (60 þegar afskrifað)	”Lögmæti viðskiptahátta má draga í efa” – ”forsendubrestur”
St.	Ca.1830 mja	1460 mja til innheimtu	Betra lánasafn – aukið innheimtuhlutfall

 Niðurfærslan fellur á efnahag fjármálafyritækjanna á fyrsta stigi, en niðurfærslan er tekin inn á ábyrgð ríkissjóðs – til næstu 20-40 ára.   Með ”hóflegum kjörum” – er um að ræða ódýrasta lán sem völ er á. 

Niðurfærsla kostar engar nýjar staðgreiddar krónur. 

Niðurfærsla kemur til skattalegrar meðferðar hjá öllum lántakendum;  setja þarf viðmiðun um eignamörk þeirra sem fá niðurfært þannig að þeir sem eiga t.d. 30-50 milljónir í skuldlausa/nettó eign – fái tekjufærslu og skattleggist þá t.d. með 50-70-90% skatti það sem er umfram tiltekna fjárhæð. 

Tekjur ríkissjóðs af skattlagningu niðurfærslu gætu þannig numið á bilinu 15-20 milljörðum til innheimtu á 2-3 árum.   Mundi nægja  til að mæta afborgunum og afföllum íbúðalánasjóðs á þeim tíma.   

Tekjuauki vegna stóraukinnar veltu neytendahagkerfisins mun nema milljörðum á ári.   20% niðurfærslu ber að skoða miklu fremur  sem efnahagsaðgerð og pólitíska aðgerð – heldur en ”sértæka björgunaraðgerð” fyrir einstök heimili í landinu. 

Ef unnt er að fækka gjaldþrotum um allt að 25% þá má áætla að 20% niðurfærsla geti mikið til ”borgað sig sjálf” með hærra innheimtuhlutfalli lána – að meðtöldum tekjuauka af veltu. 

Spurningum svarað:Til að svara þeim atriðum sem  hafa  einkum verið tilgreind gegn (20%) almennri niðurfærslu lána eða leiðréttingu á óraunsærri og ranglátri vísitölumælingu í gegn um hrunið:

1. Aðgerðin sé of kostnaðarsöm og ekki sé hægt að taka hana inn á efnahag banka og Íbúðalánasjóðs og ríkissjóður hafi ekki efni á að staðgreiða hana við ríkjandi aðstæður.  Svokallaðir ”kröfuhafar” muni ekki samþykkja slíkan almennan afslátt af kröfum.  

Svar: Engar nýjar krónur koma til staðgreiðslu. Með því að ríkissjóður gefi út skuldabréf á vegnum gjalddögum lánasafnsins og leggi inn í efnhag Íbúðalánasjóðs – með endurskoðunarákvæðum á kjörum – gefst færi á að tryggja afkomu sjóðsins.   Sama gildir með að leggja skuldabréf inn í efnhag bankanna – og þegar eða ef til þess kemur að bankarnir verði seldir eða einkavæddir – koma þau skuldabréf mögulega til afskrifta eða uppgjörs við söluna.    Verði ekki full virkni af niðurfærslunni þá dreifast gjalddagar skuldabréfanna á mjög viðráðanlegan hátt á 20-40 ár framundana.

2. Með slíkri aðgerð væri verið að færa vel stæðu fólki fjármuni sem viðkomandi þurfi ekki á að halda – og fjármunum ríkisins væri betur beint til þeirra sem eru þurfandi; - til ”hinna verst settu:”

Svar: Með skattalegri meðferð og brattri skattlagningu á niðurfærslunni er engum fært fé sem hann ekki þarf á að halda – auk þess sem vaxtabótakerfið má nýta til að skala út mismunandi stuðning við þessa aðgerð sérstaklega.

3. Verðtryggingu verði að viðhalda til að tryggja ávöxtun lífeyrissjóðanna til framtíðar og leiðrétting eða niðurfærsla með almennri aðgerð kalli á að verðtrygging verði afnumin í lánaviðskiptum.

Svar:   Verðtrygging neytendalána er vafasöm á öllum tímum og hefur aukið á efnahagsvanda landsmanna.  Verðtrygging eigna lífeyrissjóðanna og ávöxtun á kostnað almennings er fullkomlega óraunsæ hugmynd – ef ekki gefast tækifæri til ávöxtunar í gegn um fjárfestingar í hlutabréfum og skuldabréfum fyrirtækja.   Heimildir til verðtryggingar ríkisskuldabréfa – með mjög takmarkaðri vaxtabyrði - má eflaust framlengja þótt sett verði bann við verðtryggingu á neytendalánum.    

Lokaorð: 

Ítarleg og efnislega grunduð umræða um þessa 20% leiðréttingu eða niðurfærsluleið -  með útfærslum sem taka á eignamörkum og skattalegri meðferð - er afar brýn. 

Það er ekki síður brýnt að stíga nú þegar markviss skref sem hafa markaðshvetjandi áhrif og stuðla að virkri verðmyndun á íbúðarmarkaði – um leið og neytendahagkerfið fær sína smurningu. 

Það stendur upp á sitjandi ríkisstjórn og ráðgjafa hennar – og þar með Samfylkinguna og Vinstri Græna. 

Landsfundir beggja flokkanna hafa lýst vilja til að takast á við vandamálið - - með ”sanngjörnum hætti” . . . . án þess að útfæra neina einstaka leið. 

Vandamálið er brýnt og raunsæ aðgerðarplön verða því að liggja fyrir á næstu vikum – fram að kosningum.     

Þannig má engan tíma missa – en vilji til að leita lausna er forsenda þess að eitthvað birti til í framtíðarsýn tugþúsunda fjölskyldna – með vorinnu.     

5.apríl 2009

Benedikt Sigurðarson  

Lýðskrum og ódýr kosningaauglýsing hjá Ögmundi Jónassyni . . . ?

Það að afsala sér aukalaunum ráðherrans - umfram þingfararkaup - í örstuttum starfstíma sínum sem heilbrigðisráðherra er Ögmundur Jónasson að sýna af sér afar billega hegðun.  

Hann er að "snobba niður á við" - og þykist sérstakur vinur starfsmanna . .  sem hann væntanlega "rukkar um eftirdæmi" . . .

. . .  já Ögmundur; - þú færð ódýra kosningaauglýsingu - um leið og þú ert í óðaönn við að hætta við niðurskurð sem búið var að ramma inn í fjárlögum . . . . . . .  og þú ert þannig sjálfur að ganga gegn samþykktum fjárlögum frá Alþingi - án þess að bera það undir þingið eða sækja þér þangað meirihlutstuðning.

Þetta líkar mér illa . . .

 

Ögmundur fær ekki ráðherralaun

Minnisblaðið: - var það bókað í forsætisráðuneytinu í febrúar 2008? . . eða samið síðar?

Þegar ég hef lesið hið umrædda "minnisblað" um "Fundi í London" .

 .  -. blað sem er óundirritað

. . blað sem ekki nafngreinir neinn einasta þátttkanda á fundum.

. .. . blað sem ekki tilgreinir einn einasta fund - fundarstað né tíma;

blað sem ekki tilgreinir - né staðfestir nöfn meintra viðmælenda eða fyritækja . . .

Þegar ég er búinn að heyra tilvitnanir í ráðherra fyrri ríkisstjórnar og búinn að sjá staðfestar upplýsingar um ákvarðanir Seðlbankans sjálfs - um að aflétta bindiskyldu á ICESAVE - og svo stöðugleika-skýrsluna frá í maí.

. . . . vitandi að Davíð lagðist beinlínis gegn því að tekin yrðu stórlán til að efla gjaldeyrisforðann . .

. . . sjá í Fréttablaðinu að Arnór Sighvatsson aðalhagfræðingur Seðlabankans hafði ekki vitneskju um þessa meintu fundarferð . . . . amk. ekki hverjir sátu fundi af hálfu Seðlabankans né með hverjum var fundað . . .

. . . þá allt í einu dettur mér í hug að hið birta minnisblað sé "síðaritíma-frásögn" - eftir minni eins manns . . . . .sem skráð er nokkuð löngu síðar . . og líklega nokkrum vikum eða mánuðum eftir bankahrunið . . . . sem meint minnisblað lætur í veðri vaka að verið sé að vara við . . .

. . . . þannig er nú það . . .

 

Sögðu eitt - gerðu allt annað

Rýnt í tölur hjá Samfylkingunni í NA

Í síðustu kosningum fékk Samfylkingin einungis 4840 atkvæði í NA kjördæmi.   Þetta hlutfall var 20,8% - eða langt, langt undir landsfylgi . . . . . . .   Það var endurtekning frá kosningunum 2003 þar sem flokkurinn var einnig með afar slaka útkomu samanborið við stöðuna í öðrum kjördæmum.

Í báðum þessum kosningum var sama fólki stillt upp með sama hætti: - Kristján Möller, Einar Már, Lára Stefáns og Örlygur Hnefill.   Möller er meistari prófkjaranna - það hefur hann sýnt frá 1998 í gamla Norðurlandskjördæmi vestra og í gegn um sameinað NA kjördæmi.    Í lokuðum flokksprófkjörum ræður hann ferðinni og fjöldi Samfylkingarfólks við utanverðan Eyjafjörð hefur tímabundið orðið afar hátt hlutfall af kjósendum - og sú aðferð að skrá fólk í flokkinn og úr honum aftur gagnaðist vel eins og staðfest gögn sýna.   (Ég bloggði um prófkjörið í nóvember 2006 - sjá hér):

Nú vorum við með opið prófkjör - og netkosningu í 3 daga.

Það þjóðfélagsástand sem skapast hefur frá hruninu - með búsáhaldabyltingu og miklu vantrausti - var að mörgu leyti líklegt til að skapa áhuga á prófkjöri og greiða götur fyrir breytingum    Í yfirborðs-orðræðunni var látið í veðri vaka að flokksræðið ætti í vök að verjast - að almenningur væri í stellingum til að velja sína fulltrúa.    

Jafnvel vorum við einhver á þeirri skoðun að það væri mikilvægt að Samfylkingin kæmi fram og axlaði sína ábyrgð á mistökum sínum í stjórnarsamstarfinu með Sjálfstæðisflokknum - og viki til hliðar þeim alþingismönnum og ráðherrum sem hefðu hengt sig gagnrýnilaust á samstarfið við Geir Haarde og ætlað sér farþegasætið á fölskum “velmegunarvagni” útrásarinnar og Frjálshyggjunnar í boði Sjálfstæðisflokksins.

Við vonuðumst eftir mikilli þátttöku í prófkjörinu.   

Einungis 2574 kusu í galopnu prófkjöri Samfylkingarinnar:  

- - - - rétt 700 fleiri en í lokuðu flokksvali árið 2006.   Þetta er að mínu mati gríðarlega mikill ósigur okkar allra sem vildum breytingar - og bendir til þess að kjósendur hafi ekki mikla trú á okkur eða Samfylkingunni í NA kjördæmi og alls ekki áhuga á að nota flokkinn sem farveg fyrir raunverulega endurnýjun í stjórnmálum.     Samfylkingin í kjördæminu er ennþá og ennfrekar en áður - vettvangur fyrir samtryggingu Kristjáns Möller og nánustu pólitísku fjölskyldu hans.

Þó KLM hafi skipt um meðreiðarsvein og Sigmundur Ernir hafi tekið það sæti og þó Logi Már og Jónína Rós hafi smogið inn á milli Helenu og Örlygs þá eru yfirburðir Kristjáns algerir . . . . og ótvíræðir og hans fólk í öllum öðrum póstum.   Staða Kristjáns er hins vegar miklu slakari en fyrir 2 og 1/2 ári síðan.  Nú fær hann einungis 45,6% atkvæðanna í 1. sætið (1173)  og 1401 kjósandi setur einhvern annan í forystu.   Kristján L Möller og pólitík hans ræður samt ferðinni - - með nýjum andlitum að hluta.   Samfylkingin býður fram óbreytt og iðrunarlaust andlit ráðherrans úr samstjórninni með Sjálfstæðisflokknum - þess alþingismanns sem fyrir kosningar 2007 var búinn að lýsa vilja sínum til að setjast í stjórn með spillingarliði Frjálshyggjunnar.    Eins og það fór síðan . . . . . . með hruninu og ráðleysinu öllu.

Sigmundur Ernir fylgir með “foringja sínum” með 917 atkvæði eða 35,6% uppsafnað og fær ótvíræða kosningu í 2. sætið.    Framboð Einars Más Sigurðarsonar alþingismanns í þetta sæti kom kannski nokkuð á óvart enda hafði sá “orðrómur” flogið fyrir að hann væri ekki lengur á óskalista KLM - og meining væri að “fórna honum”  í nafni endurnýjunar.   Líklega hefur það verið staðfest með því að hann kemst ekki á lista þeirra 8 sem kosnir voru.     Kannski stendur það eftir að EMS hafi látið “plata sig” til að taka þátt eða hann hafi lesið stöðu sína alrangt þar sem hans fyrri félagar vildu ekki hafa hann með lengur.

Logi Már fær 737 atkvæði uppsafnað í 3. sæti eða 29,9% atkvæða.    Vegna kynjakvóta 40/60 og þeirrar samþykktar að einungis 2 af sama kyni sitji hlið við í sætum þá færist Jónína Rós upp fyrir hann - með 844 atkvæði eða 32,8% upsafnað í 4. sæti (með 26% í 3.sæti).

Svo koma lögfræðingarnir Helena Þ Karlsdóttir (sem er systurdóttir K.Möller) og Örlygur Hnefill Jónsson í 5. og 6. sæti.

Herdís Björk og Stefanía koma síðan í 7. og 8. sæti.  Fyrir utan talningu eru síðan Einar Már og Benedikt og aðrir frambjóðendur þaðan af.

Niðurstaðan er ósigur fyrir breytingar og mjög lítil þátttaka í þessu opna prófkjöri getur ekki verið uppörvandi fyrir flokkinn og þá kosningabaráttu sem í hönd fer.

Líklega er Spaugstofan að flytja okkur þessa laugardagana svipmyndir af þeirri tilfinningu sem er að skapast í þjóðfélaginu af algeru ráðleysi ríkisstjórnar Jóhönnu og Steingríms - þar sem öll fögru orðin um að “standa vörð um heimilin” hafa verið svikin og ekkert plan er komið upp á borðið um það hvernig fyrirtækjum og efnahagsveltunni í landinu verður komið af stað aftur.

Kjósendur í NA kjördæmi sýndu það kannski með áhugaleysi sínu að þeir hafa ekki trú á Samfylkingunni til að leysa sína mál - og reka þjóðfélagið.

 Kannski nær Samfylkingin að festa sig í sessi í kjördæminu sem langminnsti flokkurinn af þessum fjórum.  Það getur ekki verið flokksforustunni til gleði og bjartsýni - - eða hvað?

Við sem erum “pólitískir smælingjar”  - eigum ekki mikla möguleika á að koma okkur á framfæri í kosningabaráttu þar sem er bannað að vekja á sér athygli með auglýsingum og dreifimiðlum.    Auðvitað var tímaramminn settur ennþá þrengra en þurft hefði - og óskiljanlegt að Samfylkingin gæti ekki verið með sitt kjör á sama tíma og Sjálfstæðisflokkurinn (svo vitnað sé til leiðtogans á kjördæmisþingi!) - eða 12-14. mars.     Það eru þannig líka vonbrigði að þeim skilaboðum að prófkjörið væri opið öllum var mjög seint komið áleiðis til kjósenda - - og kynningarbæklingurinn var ekki í dreifingu fyrr en kosningin var að hefjast.    Svo var það þetta með sitjandi þingmenn og ráðherra - og þátttök fjársterkra aðila - sem gætu lagt undir og náð árangri - og ráðuneytið og aðstoðarmaður hannað fjölmiðladagskrá fyrir ráðherrann . .

É g bloggaði um þetta um daginn:   AÐ kaupa þingsæti; . . . kostar?   og fékk á það gríðarlega mikil viðbrögð . .

- - - - - - - -

Niðurstaðan er fyrir mér vonbrigði: og staðfesting á því að ég hef ekki komið neinum skilaboðum áleiðis til kjósenda í NA kjördæmi á liðnum árum - eða frá 2006 þegar ég tók til máls innan og á vettvangi Samfylkingarinnar.    Flokksmenn SF og áhugasamir kjósendur eru ekki nærri nógu margir sem vilja kalla mig til starfa fyrir jafnaðarmenn á vettvangi flokksins.   

Á þessu stigi dreg ég ekki neinar sérlega víðtækar ályktanir af niðurstöðunni fyrir sjálfan mig - - - ég held áfram að vera jafnaðarmaður og tala fyrir endursköpun samfélagsins í átt til aukins réttlætir og lýðræðisvæðingar.   Ég mun halda áfram að reyna að tala skýrt og leggja upp lausnir á bráðum viðfangsefnum til skemmri tíma sem hægt er að ramma inn í víðtækari heildarsýn um réttlátt og framsækið samfélag.

Ég hef sagt Frjálshyggjunni stríð á hendur fyrir löngu; - -og mun hvetja til að leitað verði víðtæks samkomulags um gerbreytingu á samfélaginu; frá áherslu á græðgisdrifin viðskipti og arðsemi fjármagns - yfir á þekkingardrifna verðmætasköpun . . . .

 . . . . . . . og

. . . . . . . . . frá því að hlaða undir eignamyndun og forréttindi hinna fáu í gegn um óheft umsvif fjármagnsins með lögmætum og ólögmætum aðferðum og skattalegum forréttindum - yfir í að beita ríkisvaldinu meðvitað til að skapa jafnvægi milli hagsmuna með ströngu markaðslegu eftirliti og afskiptum og í gegn um íhlutandi skattkerfi  sem skattleggur óhóf og græðgi og háar tekjur en tryggir almenningi aðgengi að menntun og heilbrigðisþjónustu og húsnæði - þannig að hæfileikar einstaklinganna njóti sín við sköpun almennra lífsgæða.

Ég mun halda áfram að tala fyrir því að Samfylkingin beiti sér fyrir því að mynda á Alþingi víðtækasta mögulega meirihluta fyrir endursköpun samfélagsins í anda jafnaðar og réttlætis og lýðræðis - með Framsóknarflokknum - fremur en að leita eftir minnsta mögulega atkvæðafjölda á bak við meirihlutastjórn með VG.   Sé alls ekki fyrir mér að slík stjórn gæti náð árangir og farið með okkur í það ferðalag sem við þurfum á að halda með víðtæku samstarfi við Evrópuþjóðirnar innan ESB og innan NATO.

–

Ég á líka býsna erfitt með að sjá það fyrir mér að pólitík Ragnars Sverrissonar kaupmanns og hans nánasta hjálparliðs - bæti miklu við frammistöðu Kristjáns Möllers  - að minnsta kosti að því er framgang jafnaðarstefnunnar varðar.   Logi Már er sannarlega sprækur og hugmyndaríkur en hann hefur ekki látið sjá á spilin sín varðandi pólitík og allir vita að Sigmundur Ernir er í allra besta falli “óskrifað blað” í pólitík og ekki víst með hverju hann stendur.

Og eftir sem áður verður enginn Akureyringur á Alþingi fyrir Samfylkinguna frá NA kjördæmi að loknum kosningum vorið 2009.

Nánar og fleira í http://blogg.visir.is/bensi

 

Að kaupa þingsæti : kostar. . . . . ?

Að kaupa sér þingsæti: - kostar . . . . .

bensi 2. mars 2009

Talsvert hefur verið rætt um fjármögnun kosninga og tengsl frambjóðenda og jafnvel heilla stjórnamálaflokka við fjármálaöfl og sterka hagsmunahópa.    Ekki er vafi á því að stjórnmál og viðskiptalíf hafa orðið þannig samofin á Íslandi síðustu ára að það hefur með öðru gert hrunið óhjákvæmilegt - vegna tengsla og spillingarvofunnar.

Kosningabarátta og margvísleg starfsemi stjórnmálaflokka kostar peninga - og á liðnum árum hefur aðgangur stjórmálaflokkanna að fyrirtækjum verið misjafn; - hægri flokkarnir hafa átt miklu greiðari aðgang að peningum fyrirtækjanna og bankanna - heldur en vinstri flokkarnir og um leið sýnir það sig að öflugir sérhagsmunahópar hafa mótað framferði SJálfstæðisflokksins og Framsóknarflokksins með greinilegri hætti en annarra flokka - enda þeir setið að stjórn landsins lengst af síðustu 18 árin.

Lög um fjármál stjórnmálaflokka eiga að draga úr hættu á mútum og spillingu vegna fjármálatengdra hagsmuna stjórnmálaflokkanna.   Ekki er komin mikil reynsla á þau lög, en það er alveg ljóst að þau hygla starfandi flokkum á kostnað nýrra hreyfinga - - - - Lýðræðislega kann það að vera varasamt til lengdar.

———–

Í prófkjöri stefna sumir frambjóðendur á svökölluð “örugg þingsæti” . . . og telja sig trúlega geta lagt undir í samræmi við það.   

Eftir hrunið hafa allir stjórnmálaflokkar lagt með einhverjum hætt línur um aðhald í prófkjörsbaráttu innan flokkanna - og látið í veðri vaka að kosningabarátta verði nú háð með hófstilltari eyðslu í auglýsingum og markaðssetningu en síðustu skiptin.

Í NA-kjördæmi voru frambjóðendum í opnu prófkjöri Samfylkingarinnar settar reglur um að ekki mætti kaupa auglýsingar í dreifimiðlum né ljósvakamiðlum.     Aðvitað virða allir frambjóðendur það bann.  Ég hafði til að mynda hugsað mér að prenta nafnspjald frambjóðandans - með litlu einkunnarorði - og vekja með því athygli á blogginu mínu og sjálfum mér (í framboði).   Hætti auðvitað við að kaupa mér slíkt prent - þar sem ég hugðist dreifa því (og þar með væri það orðið dreifimiðill).    Prentaði í staðinn í svart-hvítu - einblöðung til að hafa með mér þar sem ég færi - með nokkrum áherslupunktum og málum til að vinna forgang.

Ólíkt hafast menn að:

Í hópi frambjóðenda í prófkjöri Samfylkingarinnar eru tveir þingmenn. Annar þeirra er auk þess ráðherra.     Báðir hafa þeir aðstoðarmenn á launum hjá hinu opinbera - - og ráðherrann hefur heilt ráðuneyti til að stjórna dagskrá sinni og vekja athygli á sér í fjölmiðlunum.   Kristján Möller hefur nú jafnvel “sett Vaðlaheiðargöngin á dagskrá” - og lét hafa viðtal við sig í RÚV um málið, - en hann hafði fyrir nokkrum vikum “tekið sömu Vaðlaheiðargöng af dagskrá” - - -  Aðstoðarmenn alþingismanna af landsbyggðinni virðast allt eins starfa að því að afla viðkomandi þingmanni fylgis og stuðnings - og ekki er að efast um að Einar Már hefur gagn af aðstoðarmanni sínum Örlygi Hnefli Örlygssyni í yfirstandandi prófkjöri.   Jafnvel gæti viðkomandi aðstoðarmaður orðið náskyldum föður sínum - sem einnig er frambjóðandi í prófkjörinu - að liði svona bara í leiðinni . . . . . án þess að af því væri sérstök fyrirhöfn.

Fjölmiðlamaður úr Reykjavík - vanur útgáfu og auglýsingum - enda Sigmundur Ernir rithöfundur - túlkaði bann við keyptum auglýsingum í dreifimiðlum þannig að hann fær sinn eigin miðil prentaðan í prentstofu og dreifir honum . . . . .

——–

Samstarf við fjársterka aðila - eða beiting eigin fjármagns - er eflaust í einhverjum tilfellum alger forsenda þess að nýir frambjóðendur komist á framfæri.  Kosningavélar frá vönum mönnum eða aðstoð slíkra kann að standa einhverjum til boða. . .    Frambjóðandi nær kannski árangri - með fjármagni og með liðsinni einhverrar maskínu - nær jafnvel “öruggu þingsæti” - og sest á þing.    Svo má spyrja hvort frambjóðandinn verður “frjáls og einungis háður samvisku sinni” og hugsjónum í störfum sínum sem Alþingismaður.  

Eða hvort frambjóðandinn - þingmaðurinn - er valdaður af flokksmaskínunni og raðað á listann í krafti þess forgangs sem því getur fylgt.  Mundi þá samviska eða hugsjónir mega sín endilega mikils - þegar kemur að þingstörfunum.

———–

Kannski er öll þessi pæling ótímabær og úrelt vegna þess að almenningur hefur rumskað  - - og nennir nú ekki lengur að láta pólitíkusana mata sig á einhverju bulli - Búsáhaldabyltingin hefur náð til kjósenda  - til alls þorra fólks - sem hefur ákveðið að taka völdin í sínar hendur - og kjósa sína eigin fulltrúa á framboðslistana.     Kannski hefur fólkið ekki áhuga á því lengur að kjósa sama “gamla liðið” í forystu - í öruggu þingsætin - og er nú tilbúið til að kalla óþreytt lið inn á völlinn?

Ekki hef ég fjármagn til að kaupa mér öruggt þingsæti og ekki leggur íslenska ríkið mér liðsinni með aðstoðarmönnum eða öðrum fjármunum.    Tímafaktorinn er okkur pólitískum smælingjum allt annað en hagstæður - og á tveimur vikum höfum ekki möguleika á að smala saman mjög mörgum kjósendum sem ekki þekkja okkur fyrirfram.

Kjósendurnir gera það auðvitað upp við sig hvort þeir kjósa óbreytt ástand - og velja “sama gamla liðið” - og framhald á þeirri stöðu Samfylkingingarinnar í NA-kjördæmi: - að vera langt undir landsfylgi.

Vilji kjósendur hins vegar sjá breytingar og taka þátt í að endurnýja Samfylkinguna þá stilla þeir upp nýju liði.     Þá væri afar jákvætt að fá tækifæri til að leiða framboðið - með öflugri konu í öðru sæti.      Velji kjósendur hins vegar einhvern annan til að leiða endurnýjun Samfylkingarinnar í NA-kjördæmi þá væri engu að síður áhugavert að fá að taka þátt í þeirri endurnýjun - í hvaða sæti sem væri.

Breytingar og sókn fyrir Samfylkinguna í NA kjördæmi

 

Býð kjósendur NA-kjördæmis velkomna til samstarfs um að endurnýja framboð Samfylkingarinnar í kjördæminu.

Valdið er með þessu fært kjósendum - með opnu prófkjöri - og valið verður þeirra.   Mikilvægt er að kjósendur taki þátt í prófkjörinu - - og tali skýrt.    Við erum 18 mætt á völlin  - tilbúin til leiks og nægilegt úrval af óþreyttum leikmönnum.

Samfylkingin hefur átt undir högg að sækja í NA kjördæmi og nýleg skoðanakönnun staðfestir að hér er flokkurinn langt undir landsfylgi - enn eina ferðina.

Hér á eftir leyfi ég mér að rekja nokkra þætti sem ættu að vera uppi á borði kjósenda - þegar þeir gera upp huga sinn um það hvernig þeir vilja að Samfylkingin stilli upp liði sínu.   

------------ 

Um hvað snýst þetta svo? 

Umfram allt annað trúi ég því að kjósendur í NA-kjördæmi verðskuldi að fá tækifæri til að gefa Samfylkingunni leiðbeiningar - - opið prófkjör er því kærkomið og eðlileg tilraun til að mæta kröfum um virkara lýðræði og farveg fyrir almenning til að láta til sín taka. Hér geta kjósendur í kjördæminu lagt línurnar um þá endurnýjun sem þeir hafa kallað eftir:   - - við erum til þjónstu reiðubúin – og gegn um raunverulega endurnýjun getur Samfylkingin stígið mikilvægt skref til þess að biðjast afsökunar á margvíslegum mistökum sem flokkurinn ber ábyrgð á vegna samstarfs við Sjálfstæðisflokkinn í ríkisstjórn - - í aðdraganda bankahrunsins – og fyrstu fjóra mánuðina á eftir.     Flokkurinn verður að sýna auðmýkt og næga yfirbót til að verðskulda traust kjósenda – þannig að flokkurinn fái kjörfylgi sem dugar til að fara með forystu í næstu ríkisstjórn - - ríkisstjórn sem líklega verður samstjórn þriggja flokka- þeirra  sem nú bera ábyrgð á minnihlutastjórn SF og VG.    Sjálfstæðisflokkurinn er ekki líklegur til að ganga í gegn um þá hundahreinsun sem duga mundi flokknum til að losa sig við þær frjálshyggjuöfgar og þau klíkubönd sem lögðu efnahagskerfi og gervallt fjármálakerfi okkar í rúst.   Sjálfstæðisfokkurinn er enn í álögum þess illvilja sem Davíð og Náhirðin hans hefur lagt á flokkinn  - - og hefur eitrað samfélagið allt meira og minna í bráðum 20 ár.  

12-spor í átt til bjartari tíma

1. Gera þarf fjölskyldum kleift að standa í skilum og halda sínum heimilum – með því að niðurfæra höfuðstól verðtryggðra lána um ca. 20%.    Erlend lán verður að frysta.   Rýmka þarf reglur um viðskipti með eignir sem veðsettar eru 80% eða jafnvel meira.    Þannig mundi mikill meirihluti þeirra sem halda vinnu geta staðið við sínar skuldbindingar og fasteignamarkaðurinn kemst aftur af stað.   Með því er komið í veg fyrir að eignaverð hrynji langt niður fyrir jafnvægisverð og með því munu margir þeirra sem hafa orðið fyrir tekjufalli getia selt sig frá þeim eignum sem eru þeim ofviða.
2. Skuldaskil fyrirtækja þurfa að verða gagnsæ og fara fram með því að lán verði færð niður, erlend lán fryst – en umfram allt þarf að keyra stýrivextina niður í 3-5% fyrir haustið.    Umsvifamikil mjög skuldsett fyrirtæki – þar sem samkeppnismarkaður er ekki virkur – þurfa að vistast í eignarhaldsfélagi ríkisins þannig að komið verði í veg fyrir að þau verði seld til sömu hrægammanna og komu efnahagskerfinu í þrot.
3. Vertryggingu verður að afnema um leið og við setjum upp samráðvettvang allra lykilaðila í samfélaginu til að tryggja víðtækt samráð allra markaðsaðila um stöðugleika með sameiginlegt markmið um 0 verðbólgu.
4. Setja verður forgang á umsókn um aðildarviðræður við ESB – og óska flýtimeðferðar í tengingu við evru – og aðild að myntbandalaginu.   Sjálfstæð rödd í samfélagi þjóðanna í virku samstarfi við önnur Norðurlönd og nágranna í N-Evrópu.
5. Fjárfesta þarf í framtíð unga fólksins; hækka barnabætur og sameina vaxtabótakerfið og húsaleigubótakerfið þannig að stuðningi sé ekki misskipt milli fjölskyldna eftir eignastöðu.
6. Sérstakt menntunarátak – þarf til að auðvelda okkur leiðina út úr kreppunni;  með rannsóknarmiðun og virkri endurmenntun fólks á miðjum aldri.
7. Setja þarf forgang á nýsköpun í atvinnulífi – með því að stýra opinberu lánsfé í stuðnings- og fjárfestingarumverfi fyrir sprotafyrirtæki í samstarfi frumkvöðla og fjárfesta.
8. Flytja þarf forgang í atvinnulífi frá fjármagni og viðskiptum – yfir í framleiðsludrifna starfsemi – sem byggist á þekkingu, þróun og beinni verðmætasköpun.
9. Leggja þarf áherslu á jafnvægi milli sjónarmiða í umhverfisvernd og nýtingu - - gæta hófsemdar og vanda undirbúning allra framkvæmda.   Meta þarf félagsleg og efnahagsleg áhrif stærri framkvæmda með alþjóðlega viðurkenndum verkferlum.
10. Sameiginlegum auðlindum þjóðarinnar verði framvegis ráðstafað með tímabundinni leigu og undið ofan af gjafakvótaúthlutun.
11. Réttlæti í skattamálum þar sem við samræmum skattlagningu hagnaðar og fjármagnstekna við vinnutekjur – og innleiðum tímabundna stóreignaskatta
12. Vindum ofan af notendagjöldum í heilbrigðisþjónustu og menntakerfinu

Verkefni og aðgerðir

 ·         Umsvifum ríkisvaldsins og rekstrar hins opinbera verði svæðaskipt þannig að velta nálgist hlutfallsskiptingu íbúa. 

·         Heilbrigðisstofnunum verði breytt í sjálfstæðar einingar og sjálfseignarstofnanir – með virkri aðkomu notenda og íbúa að stjórnun – ásamt fagfólki.   Svæðisbundin þjónustusnið verði skilgreind með aðkomu hagsmunaaðila. . . .  

·         Framhaldsskólar og háskólar verði gerðir að sjálfstæðum stofnunum og sjálfseignarstofnunum sem kalli velvildaraðila og íbúa til samstarfs um stjórnun og uppbyggingu. 

·         Fjárfesting í RÚV í þágu allra landsmanna . . . . . bæði til frétta, fræðslu og listrænnar dagskrárgerðar. 

·         Efling ferðaþjónustu – með fjárfestingum í samgöngum inn á svæðið og með eflingu kjarnastarfs innan svæðis.   Flugvellir á Norður og Austurlandi gerðir sjálfstæð rekstrareining – með þátttöku hagsmunaaðila og sveitarfélaga á svæðinu. 

·         Vaðlaheiðargöng sett á dagskrá: - i samstarfi við Greiða-leið . . . . . á endurnýjuðum forsendum.

·         Einbreiðar brýr á þjóðvegi nr. 1 endurbyggðar - - og stytting vegalengda hraðað 

·         Fjárfesting í grunnskólanámi allra barna – og gjaldfrí skólaganga frá 4ra til 18 ára.    Skólamáltíðir greiddar eftir efnum og ástæðum foreldranna - - og skólabækur framhaldsskólanema á ábyrgð skólans. 

·         LÍN veit samtímalán - - og sjálfskuldartrygging einstaklingsins og trygging í námsframvindu – án þess að krefjast ábyrgða á lánapappírum. 

·         Sjóbjörgunar- og þyrlusveit á NA-landi  - mögulega á Siglufirði-Húsavík -  þannig að brugðist sé jákvætt við umferð og hættum á Norðursvæðum – í samstarfi við Canada, Danmörku, Noreg og Rússland og USA og Evrópusambandið. 

·         Stórskipahöfn á NA-landi - - sett í undirbúning - - og athugun með beinum og óbeinum tengslum við undirbúning á þjónustu við Drekasvæðið og möguleg rannsóknarumsvif og nýtingu hafsbotnsins út af Norður og Austurlandi. 

·         Hvalvernd – gerð að forgangsmáli út af Eyjafirði og Skjálfanda  - og gerð krafa um að mögulegar takmarkaðar hvalveiðar á Íslandsmiðum gangi ekki á aðra hagsmuni ferðaþjónustu og markaða fyrir fiskafurðir og annan útflutning. 

·         Sérstaklega verði fjárfest í þróun og umhverfi fyrir landbúnaðinn og úrvinnslu landbúnaðarafurða á svæðinu.   Skoðaðir möguleikar á áburðarframleiðslu og úrvinnslu lífræns eldsneytis – samfara frekari þróun í úrgangsförgun á svæðinu.

Hér er ég auðvitað ekki búinn að telja upp allt sem skiptir máli

Gamli vefurinn minn frá 2006-2007 - hefur lifað og þar er að finna yfirlit yfir tímabil - - og merkilegt hversu vel mörg mál hafa lifað og hversu margvísleg rök standast tímann . .

Þannig er líklega jafnaðarstefnan - og stutt í sólskinið í Sellöndum

 

Framsóknarmenn ganga í lið með ´"ákallshópnum" og vilja 20% niðurfærslu verðtryggðra lána

Nú líkar mér við Framsóknarmenn:

Ákallshópur um málefni húsnæðirekstrar og fasteignamarkaðar sameinaðist um daginn um kröfuna um almennar aðgerðir í lánamálum.

Talsmaður neytenda, Félag fasteignasala, H'useigendafélagið, Hagsmunasamtök heimilanna - og Búseti á Norðurlandi - - komu saman með skýra kröfu um niðurfærslu verðtryggðra lána heimilanna.

Var búinn að skrifa um þetta og ræða á visis-blogginu

http://blogg.visir.is/bensi/2009/02/11/akall-um-almennar-a%c3%b0ger%c3%b0ir-til-lausnar-a-vanda-heimilanna-og-til-a%c3%b0-affrysta-fasteignamarka%c3%b0inn/

. . .  en nú er sem sagt Sigmundur Davíð að taka undir. Gott mál - og þeir munu verða fleiri

Leggja til 20% niðurfellingu skulda

Sigmundur Davíð í gíslingu "gömlu-Framsóknar" í þingflokknum

. .. og virðist ekki ráða ferðinni.

Kannski eru þeir bara seinlæsir Framsóknarmenn?   Samt trúi ég því ekki.  Framganga hins unga formanns bar það með sér að það var tekið fram fyrir hendurnar á honum . . . . og þess vegna dreg ég þá ályktun að valdabaráttan haldi áfram í flokknum.

Tilkynnt hefur verið um að Guðmundur Steingrímsson hjólar í Magga Stef,  Sif var kosin út frá hlutverki varaformannsins og Biörkir Jón inn - - Höskuldur - sem ekki var formaður nema í 10 mínútur - "sýnir sín snörpu vettlingatök" - með því að láta hinn nýja formann finna fyrir valdi þingflokksins . . . . .

Vitandi að minnihlutastjórn SF og VG  geta ekki komið málum fram nema með atfylgi Framsóknar og þannig samþykki þeirra . . . . í afgreiðslu Alþingis. . . . þá virkar þetta mjög ótrúverðugt fyrir hinn nýja formann Framsóknar.

Ekki trúir nokkur maður því að þeir hafa bara ætlað sér að ráða tímafaktornum - - eða spilla "sjóvinu" . . . .

. . . það mundi verða þeim dýrt . . .

Telur forsendur fyrir stjórn