Kauphallarvísitalan byrjar ekki vel.........

Fyrstu þrír viðskiptadagar ársins spá ekki vel fyrir skuldsettum fjárfestum.  Líkur til að veðköllum fjölgi og spurning hvert það framkallar skrúfu sem erfitt verður að stöðva.

Ástæða er til þess að skoða hvernig vaxtastefna Seðlabankans og innhlaup með vaxtahækkun á haustdögum spilar undir kostnaði fjármálastofnana og hvernig frysting á útlánum bankanna veldur skyndilegu sjokki á þá sem verst voru fjármagnaðir.    Innhlaup Seðlabankans í haust var afar illa rökstutt - - og ber enn keim af pólitísku hermdarverki - þegar fyrirséð var að kólnun var í nánd í hagkerfinu.

Enn og aftur met ég stöðuna þannig að ríkisstjórnin þurfi að draga sig í hlé - - til að hugsa ráð sitt og stíga síðan skarpt inn á sviðið og breyta lögum um Seðlabankann og útreikningi vísitölunnar - - um leið og gengið verður af krafti til móts við "þjóðarsátt" - - í kjarasamningum á næstu vikum.

 

Athugasemdir

[haraldurhar, 6.1.2008 kl. 00:58]

    Já sammála að ekki lítur vel út hjá skuldsettum fjárfestum, en eins og þú veist leiðir þessi lækkun til samdráttar í fasteingakaupum og lækkun húsnæðisverðs,  okurvextirnir munu koma þúsundum heimila í landinu í þrot.   Þetta er kallað magalending.

   Það er ofar mínum skilningi að Samfylkingin hafi ekki gert gangskör í að breyta lögum um Seðalbankann, og ganga í að skipa honum stjórn og stjórnendur, sem hafa menntunn og reynslu til þeirra starfa, en ekki nota hana sem elliheimili fyrir útslitna pólitíkusa.  Hvar í heiminum gæti það gerst að skipa stjórnarf. Halldór Blöndal, eða Davíð Oddsson sem aðalbankasj.  gæti verið nothæfur sem blaðafulltrúi.

    Varðandi breytingu á vísitölu, tel ég að ætti ekki að hreyfa við nú, margt bendir til að húsnæðisverð muni á næstu misserum lækka í verði, en ekki standa í stað eins og ´hefur verið í þeim lægðum sem hafa verið síðan l967-1969.