Haraldur kveður . . .

Haraldur Bessason var nágranni minn um árabil í Vanabyggðinni.   Líka og lengur nágranni á skrifstofugangi í Þingvallstræti.    Þakkarvert að kynnast slíkum skemmtimanni og heyra sögur af fólki og fyrirbærum frá Skagafirði um Vestur-Ísland og allt til nútímans.   Okkar fyrstu samskipti - í blaðagreinum árið 1993-1994 -  voru ekki endilega ávísun á svo ánægjuleg kynni sem við síðan sannarlega áttum.

Haraldur hafði flestum betra lag á að segja frá þannig að af smáatriðum gæti orðið stór saga - með tengingum í allar áttir.  Um slíkt vitna bækurnar best - þar sem hann kemur víða við.   Lengi munu margir samferðamenn vitna til frásagna hans þegar menn ræða um það sem er til skemmtunar gert og sagt.

Margréti og börnum þeirra Haraldar og fjölskyldu sendum við Helga okkar samúðarkveðjur.

Haraldur Bessason látinn

Athugasemdir

[Hermann Óskarsson, 10.4.2009 kl. 19:27]

Tek heilshugar undir orð þín um Harald, hann var einstakur maður gullaldar íslenskunnar og bókmennta. Við Karín tökum undir samúðarkveðjur ýkkar hjónanna til Margrétar og fjölskyldu.

[Ingólfur Ásgeir Jóhannesson, 11.4.2009 kl. 14:56]

Það var lán að fá að kynnast Haraldi Bessasyni sem vinnufélaga og manneskju og ég votta aðstandendum hans samúð mína og mikla virðingu.