Draumalandið - og lærdómar okkar

Við skelltum okkur að sjá Draumalandið.   Gríðarlega öflug og að mörgu leyti falleg mynd - - með sterkan boðskap.

Einlægir frændur mínir bændurnir;  Sæþór í Presthvammi og Jónas á Héðinshöfða - ekki með uppskrúfaða mælgi en sögðu sitt.    Það þarf bein til að taka ekki þátt í klappliðinu - ein og kórinn er sunginn.   Þeir verða líklega aldrei "verkefnastjórar hjá Alcoa" - og halda sínum heiðarleika og reisn og vonandi langa ævi.

Kórinn sem stjórnmálamenn kyrjuðu - - og "jarmurinn" sem börnin í Fjarðabyggð og á Húsavík eru keyrð inn í - verður fólki til ævarandi minnkunar.     Efnahagslega hryðjuverkið og sú gríðarlega náttúrfórn sem Kárahnjúkavirkjun var - - lagði háskalega mikið að mörkum til að skapa hrunið og gera okkur ósjálfbjarga um skemmri eða lengri tíma.

Tökum ofan fyrir þeim einstaklingum sem halda áfram að krefjast vitsmunalegrar yfirvegunar og gagnsærrar ákvarðanatöku . . . . . . við allar meiriháttar framkvæmdir.

Góð mynd og rifjar upp Laxárdeiluna og skellegga baráttu fyrir umhverfisvernd langt inn á 8. áratuginn . . . .

Við lestur fréttarinnar um Helguvíkurálver  . . spyr maður sig hvort við ætlum virkilega ekkert að læra á mistökum fortíðarinnar?

 

Lög um Helguvíkurálver samþykkt

Athugasemdir

[Lára Hanna Einarsdóttir, 23.4.2009 kl. 21:02]

Mikið er ég þér innilega sammála, Benedikt.

[Friðrik Dagur Arnarson (IP-tala skráð) 23.4.2009 kl. 21:13]

Já, það eru ýmsir nú fjarri þeirri víðsýni og jarðtengingu sem einkenndi baráttuna í Laxárdeilunni forðum og sjá ekkert nema álver og virðist alveg sama hvað verður um náttúruperlurnar. Er það beinlínis náttúrulögmál að menn geti ekki lært af mistökum sem aðrir gera? Hvenær skyldu augu fólks vakna fyrir því að það er hægt að stórhagnast á náttúruauðlindum án þess að virkja þær. Gullfoss og Geysir eru nærtæk dæmi um það. Því miður hafa stjórnvöld ekki sett milljarða (ef ekki milljarðatugi) í aðra atvinnusköpun eins og þau hafa gert á undanförnum árum  til að liðka fyrir að fá málmbræðslur. Annars kynni staða atvinnumála að vera önnur. Svo er það líka merkilegt að flokkur "frelsisins" skuli ákveða að það sé gott fyrir fólk að fara inn í stórar verksmiðjur í stað þess að ætla að skapa skilyrði til þess að fólk geti nýtt hæfileika sína og hugmyndir til að búa til störf. Svona er nú það.