Lykilfólk í VG er að fá heyrnina - en áttar sig ekki enn á að jafnræðis er hvergi gætt

þegar rætt er um þann ofurþunga sem legst á lántakendur - VEGNA HRUNSIN -

Vísitölubindingin er ónothæfur mælikvarði verðtryggingar í gegn um kreppuleiðréttingu - þegar við fáum gengishrun og allsherjar bankakrísu - -

Jafnræði verður að virða;

• og innleiða annars vegar á milli lántakenda og lánveitenda þar sem tjóni af hruninu og vísitöluyfirskotinu er deilt milli aðila með "leiðréttingu" - vísitöluþáttar eða beinni niðurfærslu höfuðstóls
• og jafnframt verður með slíku til eitthvert jafnræði á milli þess hvernig fjármagnseigendur og innistæðueigendur annars vegar og lántakendur verðtryggðra lána hins vegar eru meðhöndlaðir af hálfu stjórnvalda.

Það er búið að taka gríðarlega afgerandi ákvarðanir um hagsmuni innistæðueigenda - sem voru tryggðir langt umfram lágmarkstryggingu Innistæðutryggingasjóðs.  Slík ákvörðun færði einkum velstæðu fólki mikla peninga - því "almenningur" átti ekki mikið yfir 3-4 milljónir í bankareikningi sínum.   Það voru líka framkvæmdar aðgerðir innan föllnu bankanna með því að færa 200 milljarða +  af efnahag inn í peningamarkaðsreikningana.   Þessir fjármunur falla beint á sameiginlega sjóði - og á endanum á ríkissjóð - - alls 900-1000 milljarðar.

Með leiðréttingu á vísitöluyfirskotinu - með ca 20% niðurfærslu höfuðstóls og með umbreytingu gengistryggðra lána ti sanngjarnrar samsvörunar - - þá er verið að krefja fjármagnseigendur og svokallaða "kröfuhafa" föllnu bankanna um að taka á sig hluta af áhættu og kostnaði við hrunið.

Mér þykir gleðilegt að heyra að innan VG er virkur hópur fólks sem áttar sig á vandamálinu - og þeim markaðslegu blokkeringum sem felast í því að höfuðstóll lánanna rýkur upp fyrir markaðsverð eignanna . . . . og þeir sem hafa orðið fyrir tekjufalli geta ekki selt.

Markaðshvetjandi aðgerð með leiðréttingarniðurfærslu verðtryggðra lána og umbreytingu gengistryggðra lána - er eina færa aðgerðin til að innleiða jafnræði - og skapa forsendur fyrir sátt í samfélaginu.

Það skapast ekki viðunandi samstarfsandi - eða friður og jafnvægi milli hópa og kynslóðanna - án slíkrar aðgerðar.  Vegna þess hve lengi hefur verið skellt skollaeyrum þarf aðgerðin að verða stórtækari eftir því sem lengra líður.

Landsfundur Samfylkingarinnar samþykkti ályktun í þessa veru; - "að leita leiða til að deila tjóninu" . . og landsfundur VG samþykkti líka að slíkt skyldi gert.   Ríkisstjórn þessarra tveggja flokka á ekki annarra kosta völ en finna þessu farveg - - - ef hún kýs jákvæðan starfsfrið.

Málefnahópur VG vill lækka höfuðstól lána

Athugasemdir

[Páll A. Þorgeirsson (IP-tala skráð) 8.5.2009 kl. 21:54]

Góða grein hjá þér og ég sem taldi VG -fyrir fólkið-.     Það er gott að vita að smá viska er að vakna í þeim hóp, vonandi að hún nái að smitast milli manna þar á bæ.

Ofurþunginn í dag er fyrst og fremst lagður á fjölskyldur, mikið ungar fjölskyldur, sem í góðri trú fjárfestu í húsnæði og töldu sem eðlilegt er að ráðgjöf banka mætti treysta.  Bankarnir reyndust ekki traustsins verðir og komu þjóðfélaginu í þá stöðu sem blasir við, reyndar með góðri hjálp annarra "snillinga" í þjóðfélaginu.  Sparifjáreigendur áttu "ríkistryggðar" innistæður að hámarki 3 milljónir, sem var sennilega nokkuð eðlileg upphæð fyrir "venjulega sparifjáreigendur".  Mörgum kom á óvart þegar sú upphæð varð "á einni nóttu" ótakmörkuð.     Það þýðir ekkert fyrir ráðamenn að bjóða skuldugum fjölskyldum sem flestar voru meira og minna gerðar að "óráðsíufólki" á skömmum tíma vegna blekkingarleiks banka og reyndar margra þáverandi ráðamanna sem margir hverjir vissu í hvað stefndi og sennilega löngu áður en þeir vildu viðurkenna það.  Ef ráðamenn taka ekki á þessum málum nú þegar þá tel ég einu færu leiðina fyrir þessar fjölskyldur vera þá að hætta  greiðslu lána.  Það kemur reyndar að sjálfu sér hjá mörgum fjölskyldum, tekjuhrunið "fullkomnað" og greiðslugetan í takt við það.

Hvað verður um bankakerfið þá og hvernig verður fyrir þessa blessaða ráðamenn að taka á þeim "hrikalegu vandamálum" sem þá koma upp.  Þá mætti fyrst fara að tala um KREPPU og þá er ég hræddur um að eitthvað heyrðist í flestum "sparifjáreigendum" sem sumir hverjir berjast með kjafti og klóm gegn því að hlutur "skuldara" verði leiðréttur af ótta við að missa sneið af sinni köku.  Hverjir ætli eigi svo mest af þessum "gulltrygga" sparnaði, það væri áhugavert að komast í þær bækur.  Gæti verið að þar leyndust upphæðir sem "snjallir" fjármálamenn hafa krækt sér í gegnum hlutabréfabrask og annan "loftbóluóskapnað" sem þrifist hefur hér á landi síðustu árin, hugsanlega væri þar eitt og annað sem Eva Joly hefði áhuga á að skoða. 

[Rósa (IP-tala skráð) 8.5.2009 kl. 22:21]

Er möguleiki á því að Steingrímur og Jóhanna ætli að halda sig svo fast við AGS-leiðsögn að þau hlusta ekki á skynsamlegar raddir eins og þín og VG-málefnahóp.

http://okurvextir.blogspot.com/

[Anna Sigríður Guðmundsdóttir, 8.5.2009 kl. 22:25]

þau eru að vinna. Vill fólk samstöðu eða sundrung? getur þú gert betur? Prófaðu og ég skal ekki láta mitt eftir liggja að reyna að kenna þér það sem ég kann betur en háskólafólk og stjórnarandstöðufólk sumt hvert telur sig vita best. þau hafa mörg hver ekki lífsreynslu til að takast á við þetta án aðstoðar reynslufólks. Hverjum vilt þú gefa séns næst meðan skútan sekkur stjórnlaust? Ertu svona klár? Eigum við að minnast borgarstjórnar Rvk. siðastliðin misseri? Er það svona sem fólk vill hafa stjórn landsins á svona tímum? Mun aldrey kjósa neinn sem bara reynir að eyðileggja fyrir þeim sem eru að reyna að bjarga því sem bjargað verður, og er sannfærð um að margir eru sammála mér. Nú er ekki rétti tíminn til að eiðileggja meir en orðið er. Hvernig nákvæmlega myndir þú leysa heimskrísuna? Ertu virkilega með það á hreinu? Ef svo er býst ég við að þú sérst sá eini í heiminum og gangi þer vel. En svona heimsspeking myndi ég alla vega ekki kjósa. Veistu að ekki helmingur af íslensku þrælunum skilur þetta bankamannamál. Veist þú hvað fylgir EES og hvaða hvaðir fylgja því að vera þar inni? Býst við því fyrst þú vilt bara skella þér og þínum í ábyrgðarstöðuna sem fylgir. Ertu annars ekki vanur að vinna næstum 24 í sólahring því annað dugar ekki núna? Gangi bara þér og stjórnarandstöðunni vel ef þeir telja sig svo fullkomna að kunna þetta allt svona vel en vita ekki að þeir eru neyddir til að vinna svo mikið að jafnvel bændum gæti ofboðið, þeir eru nefnilega ennþá að vinna 24 í sólarhring suma árstíma. Vissir þú það? Var það kanski ekki kennt í þínum skóla? Gangi þér annars vel hver sem þú ert. Ber virðingu fyrir annara skoðunum ef þær eru á rökum reistar.

[Doddi D (IP-tala skráð) 9.5.2009 kl. 01:02]

Það er greinilega barátta innan VG og einnig innan ríkisstjórnarinnar.