Negrastrákar - og rótgrónir fordómar landans sem "vill halda eineltinu til streitu"

Umræðan um negrastrákana-10 hefur tekið á sig skrýtnar myndir.   Enn kemur fram fólk sem afneitar því að það sé neitt rangt eða siðlaust við þessa tegund af >"staðalmyndum"

Ég var alinn upp í dreifbýlinu - þar sem stríðni og andstyggilegar tilraunir til eineltis voru helstu form "húmorsins" - og rekin áfram gagnvart börnum og þeim sem minna mátti sín af frekjudöllum allra alda.

Ekki eins grimmt og harkalegt kannski í Mývatnssveit og Þingeyjarsýslunni en í Bandaríkjunum þar sem Kúkúxklaninn hengdi litað fólk og útlendinga og alla þá sem voru virkilega uppvísir að því að vera vinstri menn (jafnvel frjálslyndir) - -

Umræða dagsins hefur vakið athygli á því að einelti er ekki sjálfsagt - það er ósiðlegt og ólíðandi - og hvergi nærri hluti af náttúrulögmálinu;  - einungis hluti af "frumskógarlögmálinu" - Kynferðislega áreitni er ekki samþykkjanleg  - þó að hún hafi verið tíðkuð og stunduð og sé enn látin óátalin í mörgum kreðsum.....

Úthrópun fólks af heilum kynstofnum - trúarhópum og jafnvel skoðanahópum - með fordómarugli - eins og fyrirmyndin að 10-negrastrákum Muggs (sem er bæði ljót bók og með heimskulegan texta) - er ekki líðandi í dag . . .  alveg óháð því sem menn leyfðu sér 1920-1940.   Gleymum því ekki að það voru uppgangstímar fyrir þjóðernishreinsanir Hitlers og Stalín karlinn náði sínum tökum á þessum tíma.    

Það þarf alltaf vakt til að halda fólki á mottunni;  - þannig eflist siðferði.

Kolbrún Bergþórsdóttir skaut út í loftið langt - enn og einu sinni með því að réttlæta vitleysuna í útgáfunni - og aldrei að vita hvaða réttlætingar verða gripnar ef umræðan heldur áfram í þessum farvegi.

Bensi

Athugasemdir

[Sigurður Hreiðar, 1.11.2007 kl. 12:24]

Sæll Bensi góður

og gaman að sjá þig upprisinn á moggablogginu.

Var að reyna að komast þar inn á þig í gær, þó ekki væri nema í gestabók, en þá var allt lok lok og læs.

Mér þykir miður þegar gáfumenn eins og þú hanga fastir í áratugagamalli félagslegri túlkun á frekar lélegum (bragfræðilega séð) barnasöng, sem aldrei hefur haft neina neikvæða skírskotun á Íslandi. Að fara núna að flytja inn erlenda og úrelta túlkun á honum, aðallega út af myndum sem fylgja og alveg eins gætu verið af músum eða smalastrákum, eða bankastrákum, er ansi langt seilst til að vera menningarlega rétthugsandi.

Skora á þig að lesa textann og segja mér og öðrum hvað er þar lítillækkandi fyrir negra umfram annað fólk -- eða, réttara sagt, hvað er þar að finna sem ekki getur alveg eins átt við okkur bleiknefja.

Annars með góðri kveðju

[Benedikt Sigurðarson, 4.11.2007 kl. 21:57]

Sæll sjálfur og gaman að vita að þú ert enn við "eitthvert horn á heygarðinum" -

Held satt að segja að ég sé frekar laus við þessa svokölluðu rétthugsun - sem nú er notuð sem  skammaryrði eða  "pískur" á alla þá sem vilja ekki samþykkja hvað sem var skal.

Ef þú lítur á mitt innslag þá sérð hvað ég er að gagnrýna - - - ég er að gagnrýna sjálflæga blindu þeirra sem ekki þykjast sjá (og sjá kannski ekki) - þann vanda sem við er að fást þegar einelti - útilokun og hvers konar aðgreiningar og einangrunahyggja - gerir afgerandi mannamun.  Mannamun sem í sinni ýktustu mynd réttlætir það að einstaklinar í okkar litla samfélagi séu rústaðir í einelti eða útilokun -  og í nútíma séu viðfang ofbeldis og yfirgangs í meiri mæli en nokkru sinn fyrr.  Í hinum stóra heimi og stóra samhengi er þessi tegund af blindu alltaf og ævinlega skjól fyrir þá sem með öfgum sínum og yfirgangi komast upp með að beita grimmustu ofbeldisverkum.

M'er finnst mikilvægt að ganga opinskátt á hólm við ofbeldiskúltúrinn - sem mígur á Hæstarétt og ælir á Alþingi - og heldur nándarasamfélögum í gíslingu handrukkara og skíthæla. M'er finnst mikilvægt að við upprætum einelti og kynferðisofbeldi - - - og mér er allnokkuð niðri fyrir gagnvart því útlendingahatri og þeirri einangrunahyggju sem öðru hvoru gýs upp.   Í sumum byggðarlögum er aðkomufólk (AKP) eða "utanbæjarmenn" litnir hornauga - - og verða fyrir ýtingum og jafnvel einhverju verra. . . .

Góðlátleg stríðni er  - t.d. að hætti uppistandara - sem gera sig  sjálfa að viðfangi grínsins er auðvitað hið besta mál - en eineltiskúltúrinn úr dreifbýli "íslenskrar fyndni" er með köflum alls ekkert spaug.........

Þeir sem ekki sjá það - eða vilja ekki sjá það - - - eru "hinir nytsömu sakleysingar" sem láta nota sig í þágu yfirgangsins þegar allt kemur til alls......

Fyrir 25 árum byrjuði íslendingar að ganga gegn reykingayfirganginum í okkur og setti síðan lög í málinu.. ... . það er heldur ekki langt síðan við fórum að nota öryggibelti í bílum og nú eru menn jafnvel farnir að nota hjálma á hestbaki og á hjólum. . .. . .. . . . fyrst við afar lítinn fögnuð margra.

Slysavarnarskóli sjómanna var "álitinn fyrir kellingar" - - - - -  og allt "forvarnar-" eitthvað var úthrópað af þeim sem töldu sig málsvara "frelsis og mannréttinda" - - -

Ekkert á móti útgáfu - - og bókabrennur eða hugmyndabann er ekki áhugavert að mínu mati . . .

- - -  en að hampa ljótum bókum  - með fordóma og rætna innrætingu - - sem tengir okkur við meira en vafasaman arf Kúklúx-klan í USA  - - - -

......  Sigurður Heiðar.....  sussu . . .  suss!!!

[Georg P Sveinbjörnsson, 7.11.2007 kl. 22:40]

Get tekið undir hvert orð hjá þér Benedikt.