"Ekki benda á mig" . . . . . ráðgjafi fjármálaráðherra . . . .

. . . .  býsna alvarlegt að titlaður "ráðgjafi" fjármálaráðherrans hafi setið kynningarfund um efni skýrslunnar . . . . . sem Buiter og SIbert gerðu - og ekkert vitrænt aðhafst til viðbragða.

Mér tekst að lesa skýrsluna þannig að niðurstöður hennar eru bæði skiljanlegar og skýrar.  Bent er einnig á kosti til að leysa úr fyrirsjánlegu vandamáli - - og koma í veg fyrir algert hrun íslenska peningakerfisins.  Kostirnir væru annað hvort að selja ICESAVE - - og koma því þannig úr íslenskri ábyrgð - - eða semja sig með hraði inn í annað og stærra peningakerfi og þá var sá möguleiki uppi til skoðunar að gera það í gegn um aðildarumsókn að ESB og hraðsamning inn undir verndarvæng Evrópska Seðlabankans og í EVRU.

Það er þess vegna algerlega óþolandi að svo háttsettir menn - - og nánir ráðherra - - skuli komast upp með að vísa vandamálinu frá vegna þess að umræðan hafi bara snúist um aðildarumsókn að ESB eða um upptöku Evrunnar . . . . .

Vandamálið er afhjúpað í skýrslunni - - og greint efnislega og stærðargráðan einnig.  Ekki lágu fyrir hins vegar neinar spár um það hvenær conceptið mundi hrynja . . . . en stjórnendum bankans varð ljóst að það stæðist ekki og þeir leituði kyrrlátra leiða til að selja ICESAVE frá bankanum.  Ekki virðist hafa orðið til neitt samráð og samstarf við opinbera eftirlitsaðila . . .  Seðlabanka eða FME.

Ráðuneytisstjórinn í fjármálaráðuneytinu virðist hins vegar hafa dregið skynsamlegar ályktanir af þeirri stöðu sem Landsbankinn stefndi í með ICESAVE - - því hann seldi bréfin í bankanum - - en kannski hefur hann ekki gert sér grein fyrir því að viðskiptamódel Landsbankans stefndi fjármálalega sjálfstæði Íslands varanlega í hættu.

Efni skýrslu ekki rætt nánar í fjármálaráðuneyti

Athugasemdir

[Sigurður Haukur Gíslason, 17.10.2008 kl. 23:01]

Þessir menn hafa greinilega ekki séð auglýsinguna: "Ekki gera ekki neitt" frá einhverju innheimtufyrirtækinu. Þar var varað við því að stinga höfðinu í sandinn því þá yrðu afleiðingarnar skelfilegar.