Benedikt Sigurðarson

23.4.2009 | 12:30

Yfirgangur kvótakónga - er ógnun við lýðræðið og almannahagsmuni

Enn eina ferðina snúa talsmenn sér-eignarhalds útgerðarinnar á fiskveiðauðlindinni öllu á haus.

Það eru ekki "hótanir" af hálfu stjórnmálamanna að leggja upp stefnu sem tryggt getur eignarhald og forræði þjóðarinnar á fiskveiðiauðlindinni - í stað einkaeignar útgerðarauðvaldsins.

Það er hins vegar gríðarlega alvarlegt að vita til þess að kvótakóngarnir hafa haft vítæk fjárhagsleg tengsl við einstaka stjórnmálaflokka og stjórnmálamenn.

Verst er þó að þeir sem fengu gjafakvótanum úthlutað - og/eða hafa á árum síðan náð til sín veiðiheimildum og lagt heilu byggðarlögin í auðn - þessir einstaklingar hafa skuldsett greinina upp fyrir haus. Rekstrarhæfi útgerðarfyrirtækja er í mjög mörgum tilfellum í uppnámi.

Langstæðar deilur um gjafakvótakerfið hafa orðið okkur erfiðar - - og endurtekið staðfestist að mikill meirihluti þjóðarinnar krefst þess að kvótakerfið verði skrúfað niður. Meirihluti þjóðarinna vill sjá veiðiheimildir innkallaðar.

Sennilega er 5% fyrning allt of hæg aðgerð - - og miklu nær að taka ekki meira en 8-10 ár í verkefnið.

Beiting fjármuna og aðstöðu útgerðar-auðvaldsins - til að hafa áhrif á fréttaflutning og til að hafa áhrif á stjórnmálamenn - eða jafnvel kaupa sér fylgi þeirra með peningum - - slíkt er ógnun við lýðræðið og slíkir tilburðir hafa þegar orðið þjoðinni allt of dýrir.

	Hótanir ráðherra ekki við hæfi
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ég skal segja þér hvernig þetta virkar eftir að fyrningar leið verður farinn. Þetta er ekki flókið.

Töku dæmi um Samherja. Gefum okkur að Samherji skuldi 100 milljarða króna til íslensku bankanna. (ég hef enga hugmynd um skuldastöðuna, gefum okkur bara þessa tölu).

Þegar fyrningarleiðin verður farinn þá missir Samherji 5% kvótanum strax. Við þetta þá verða allar aflaheimildir Samherja verðlausar (öll 95% sem eftir eru). Afhverju? Nú það vita allir að Samherji muni tapa þessum aflaheimildum. Af þeim sökum mun engin kaupa þær af þeim því ríkið tekur þær. Semsagt verlausar. á 4 til 5 árum þá verða 20 til 25% af aflaheimildum farnar frá fyrirtækinu. Að borga lán sem tekinn voru til að kaupa þessar heimildar á sínum tíma og byggja upp nútímalega flota, eru há (gáfum okkur 100 milljarða). Ofan á þetta þarf útgerðinn að borga auðlinda gjald og leigu frá ríkinnu fyrir þeim aflaheimildum sem ríkið leigir kannski til baka til Samherja.

Semsagt, Samherji þarf þá að borga venjulegan rekstrakostnað við útgerð, laun, af lánum, skatta, auðlinda skatt og leigu til ríkissins á aflaheimildunum sem ríkið hefur þjóðnýtt. Annað hvort mun Samherji þurfa að skera niður laun alveg gríðarlega eða fara á hausinn. Líklegra er að Samherji verði úrskurðaður gjaldþrota.

Veistu hvað verður um þessar 100 milljarða króna skuld Samherja? Nú hún fellur á bankanna. Þá þurfa bankarnir sem eru í eigu ríkissins að afskrifa 100 milljarða króna af útlán. Þetta fer strax út sem tap. Samkvæmt einhverjum tölum þá skulda útgerðir á Íslandi allt að 500 milljarða. Þessir 500 milljarðar falla beint á bankanna og bankarnir munu fara annað hvort í gjaldþrot eða að skuldinn verði færð yfir á eigendur bankanna. Ríkið.

Hvar fær ríkið pening til þess að greiða skuldir? í vasanum þínum. Þannig að ef fyrirningarleiðinn er farinn þá munt þú þurfa að borga 500 milljarða króna skuld útgerða á Íslandi. til viðbótar þá munu bankarnir og ríkissjóður þurfa að mynda lánasjóð til þess að lána nýjum útgerðum. Sjóð verður að öllu leiti fjármagnaður með því að skuldsetja ríkissjóð.

semsagt. 500 milljarða króna leggst á ríkið og ríkið þarf einnig að lána pening til þess að það sé hægt að setja á fót ný fyrirtæki í sjávarútvegi. Það mun líklega kosta ekki minna en 100 til 200 milljarða. Skip eru dýr. Semsagt 600 til 700 milljarðar ofan á 1100 milljarða halla ríkissjóðs á þessu ári.

Ég verð samt að hrósa þér fyrir að vilja borga upp skuldir annarra.

Fannar frá Rifi, 23.4.2009 kl. 13:57