Frábært! Til hamingju Þórdís

Ánægjulegt að frétta af slíkum viðurkenningum til fólks sem leggur að mörkum.

Árangur og ástundun Þórdísar í íþrótt sinni - sem og einbeitt þátttaka hennar á sviði þjálfunar og félagsmála íþróttanna - og nú þróunar og kennslu - á að vera konum jafnt sem körlum til hvatningar.

Það er hægt að verða "ríkur" af framlagi sínu þó laun íþróttamanna og þeirra sem starfa utan hinna útblásnu greina séu oftast langt undir því sem þekkist í fjármálakerfinu (fallna).

Frábært Þórdís og fjölskylda.

„Enn í hálfgerðu sjokki“

Þorvarður Tjörvi að mæla með skuldaleiðréttingu heimila og fyrirtækja?

Ef ég les rétt? http://www.sedlabanki.is/?PageID=13&NewsID=2237 

Marínó var að blogga (hér) - og ég er búinn að fá símtöl frá viðstöddum sem skilja Þorvarð Tjörva þeim skilningi.

Vonandi fáum við í ákallshópnum fyrir almennum aðgerðum - aukna áheyrn

Endurnýjað ákall hér

Kannski Þorvaldur Tjörvi og félagar hafi verið að pæla í þessu álveg frá því ég bloggaði um málið í febrúar Hér

Skuldir heimilanna munu eyðileggja framtíð þjóðar ef ekki verður gripið til almennra aðgerða

Samstarfsaðilar hafa ítrekað "ákall til stjórnvalda" - - frá 11. febrúar sl. - - með auknum þunga.

Ákallinu má gjarna fylgja eftir með áréttingu og rökstuðningi:

Greinargerð og nánari rökstuðningur vegna ákalls  10. september 2009. 11 mánuðum eftir bankahrun eru eftirfarandi staðreyndir að verða æ betur ljósar:

Almenningur í landinu stendur frammi fyrir mjög alvarlegum og útbreiddum vanda vegna ófyrirséðra hækkana á öllum verðtryggðum lánum, samfara lækkandi verði íbúðarhúsnæðis.    Greiðslubyrði skuldsettra fjölskyldna hefur þyngst úr hófi fram svo ekki sér fyrir endann á.  

Fyrirliggjandi upplýsingar benda til þess að nærri 30 þúsund fjölskyldur sjái fram á neikvæða eignastöðu í  eigin húsnæði og að teknu tilliti til allra annarra lána (námslána, yfirdráttar- og bílalána) má álykta að sá hópur sem telst eignalaus muni fljótt nálgast 50 þúsund fjölskyldur  - eða nærri helming allra fjölskyldna í landinu.  Á sama tíma hafa þúsundir manna misst vel launuð störf og nærri 15 þúsund eru á atvinnuleyssiskrá.     Tugþúsundir Íslendinga hafa því verulega minna til ráðstöfunar um leið og allt verðlag á vöru og þjónustu hefur rokið upp.

Allt frá hruninu hafa stjórnvöld freistað þess að vernda sparnað almennings í bönkum með því að tryggja allar almennar innistæður og jafnframt var amk. 200 milljörðum beint inn í peningamarkaðsreikninga föllnu bankanna.  

Alger forsendubrestur hefur orðið varðandi verðtryggingu lánaskuldbindinga þar sem verðtrygging mv. vísitölu neysluverðs var aldrei hönnuð til að takast á við afleiðingar efnahagshruns og  verulegur vafi leikur á um lögmæti gengisviðmiðunar  í lánaviðskiptum.   

Þúsundir fjölskyldna eru komnar í greiðsluvanda eða sjá fram á greiðsluþrot verði ekkert að gert af hálfu stjórnvalda.   Greiðsluvilji margra þeirra sem enn geta staðið í skilum virðist á þrotum.     Hætta er á að þeir sem svo er komið fyrir muni þannig verða þvingaðir til að hverfa frá virkri þáttöku í efnahagslífinu, mögulega flytja úr landi eða etv.  freista þess að komast af í hagkerfi neðanjarðar.   Slíkar afleiðingar eru bæði efnahagslega og félagslega stórháskalegar og mikilvægt að stjórnvöld viðurkenni nauðsyn þess að grípa til almennra aðgerða meðan enn er ráðrúm til þess.

Hefðbundið sparnaðarform íslenskra fjölskyldna hefur oftast legið í eigin húsnæði.   Með misgengi gengistryggðra og verðtryggðra lána og verðþróunar fasteigna er vegið harkalega að hagsmunum íbúðareigenda, húsnæðisamvinnufélaga og sjálfseignarfélaga.   

Hamfaratjón

Íslendingar hafa reynslu af því að takast sameiginlega á við hamfarir og staðbundin áföll og gera það af ábyrgð.  Nægir að vísa til þess hvernig þjóðin öll sameinaðist um að bæta eignatjón Vestmannaeyinga eftir gosið í Heimaey 1973 og einnig hvernig tekist var á við eignatjón af snjóflóðum í Neskaupstað, Súðavík og Flateyri.   Nýlega voru stjórnvöld að gera grein fyrir bótum vegna jarðaskjálfta á Suðurlandi.     „Viðlagasjóður/Viðlagatryggingar“ hafa verið fjármagnaðar sérstaklega í slíkum tilvikum og gert er upp við tjónþolana óháð öðrum efnahag þeirra.   Ekkert ætti endilega að vera því til fyrirstöðu að glíma við afleiðingar efnahagshrunsins og tjón skuldsettra fjölskyldna eftir sambærlegum leiðum.

Aðilar telja að stjórnvöld hafi tafarlausa skyldu til að endurreisa jafnræði á  milli íbúðareigenda og annarra fjármagnseigenda og lántakenda – um leið og réttarstaða neytenda gagnvart fjármálafyrirtækjum verður tekin til algerrar endurskoðunar.

VERÐTRYGGING húsnæðislána, almennra neytendalána og námslána er sér-íslenskt fyrirbæri.   Þá liggur einnig fyrir að verulegur vafi leikur á um lögmæti þess að lána út íslenskar krónur með gengistrygginu miðað við erlenda gjaldmiðla.  Hvort sem um er að ræða viðmiðun af vísitölu neysluverðs eða gengi erlendra gjaldmiðla voru heimildir til verðtryggingar innleiddar og rökstuddar til að takast á við stöðuga verðbólgu og þenslu, en á engu stigi hafa verið tilgreindir sérstakir fyrirvarar um gildi eða viðmið í gegn um allsherjar efnahagshrun og gjaldeyriskreppu. 

 

Rétt er að halda því til haga að það er  sérstaklega nefnt í greinargerð með ógildingarheimild 36. gr. samningalaga, að eitt af því sem getur orðið forsenda þess að samningi sé vikið til hliðar í heild eða að hluta, séu verulegar breytingar á gengi gjaldmiðils.

 

Það kunna að hafa verið afdrifarík mistök ríkisstjórnar og Alþingis að frysta ekki allar vísitölur og gengisviðmið fjárskuldbindinga – við ákveðin gildi – samfara setningu neyðarlaga í október 2008.   Lögvarðar heimildir til verðtryggingar hafa flutt hundruði milljarða milli aðila – sem afleiðing hrunsins, – óháð öðrum verðmætabreytingum.

 

Í öllum nágrannalöndum þar sem efnahagskreppan sækir að hafa stjórnvöld og yfirvöld peningamála – kappkostað að lækka vexti og endurfjármagna lán almennings – færa niður nafnverð lána á yfirveðsettum eignum og sveigja lánaskilmála.    Staðbundin verðbólga léttir þannig einnig undir með lántakendum – í stað þess að refsa þeim sérstaklega. 

 

Í öllum nágrannalöndum hafa lánskjör verið aðlöguð þessum veruleika kreppunnar og með því tekið þátt í „kreppuleiðréttingu“ fjármunalegra verðmæta.   Á Íslandi sæta lántakendur því hins vegar að verðtrygging  leggur á þá sérstakt „refsigjald“ vegna hrunsins og gengisfellinga og verðbólgu eins og vísitala neysluverðs mælir.   Afleiðingar verðtryggingar í gegn um bankahrun og gjaldeyriskreppu eru þannig fordæmalausar og engin leið að sækja fyrirmyndir um viðbrögð í reynslu nágrannaþjóða – né heldur að hefðbundnar hagfræðikenningar veiti þar neina auðsæja leiðbeiningu.

 

Samanburður og lærdómar frá öðrum vestrænum löndum verður því að taka mið af þessum ólíku aðstæðum.  

 

Rétt er að benda á að fram til þessa hefur enginn ábyrgur aðili gert kröfur um að niðurfærsla verðtryggðra lána gengi lengra en til leiðréttingar á vísitöluálagi lána eða á gengistapi gjaldeyristengdra lánasamninga.   

 -------
Aðilar hafa óskað eftir fundum með þingflokkum á Alþingi til að fylgja eftir kröfum sínum um almennar aðgerðir í lánamálum heimilanna.Jafnframt hafa aðilar óskað eftir liðsinni ASÍ, BSRB og Neytendasamtaka í baráttu fyrir endurnýjuðu  jafnræði til handa  skuldsettum fjölskyldum í landinu.

 

Ítreka kröfur um aðgerðir

Verður Magnús Árni að segja af sér; - (eða kannski Sigmundur Davíð)?

Fréttin af siðferði stjórnarmanns í Seðlabanka Íslands - sem "gjaldeyrismiðlara" framhjá stefnu Seðlabankans - eru með ólíkindum.     Líklega fyrirsjáanleg framlenging á gömlu vinnubrögðunum - þar sem eiginhagsmunir og hyglingar réðu ríkjum - og einskis var svifist eins og við höfum nú fengið að reyna.

Sérkennilega gæfulaust af Sigmundi Davíð að tilnefna þennan "félaga sinn" í bankastjórn Seðlabankans - - vitandi á sama tíma að MÁS nyti tæplega trausts meðal mikilvægra framlínumanna í Framsóknarflokknum.

Í mínum huga hlýtur að verða sótt hart að Magnúsi Árna Skúlasyni um að segja af sér í stjórn Seðlabankans  og það án tafar.  

Á sama hátt blasir það við að þessi skipun Magnúsar Árna í lykilhlutverk í umboði formanns Framsóknarflokksins - sýnir að pólitísk dómgreind Sigmundar Davíðs Gunnlaugssonar er ekki í góðu jafnvægi.    Með þessarri framvindu hefur staða SDG grafið undan því trausti sem hann getur notið meðal þeirra sem vildu endurnýja Framsóknarflokkinn - og spurning hvenær Sigmundur Davíð verðu kominn út í það horn þar sem eina útgönguleiðin liggur í gegn um eigin afsögn sem formaður flokksins.     Almennir þingmenn Framsóknar geta ekki sætt sig við það til frambúðar að einstrengingur í Sigmundi Davíð - og eitthvað tæp dómgreind hans - útiloki þá frá samstarfi við aðra flokka um lausnir.

Magnús Árni og Sigmundur Davíð hafa sýnt af sér alvarlegan dómgreindarbrest - og vafasamt siðferði - - og afsögn annars hvors þeirra eða beggja blasir við.

Gegn markmiðum Seðlabanka

FME fær á baukinn - Agnes Braga og aðrar fá vonandi frið til að fletta ofan af málum

Fagna niðurstöðu setts ríkissaksóknara. Blaðamenn þurfa viðurkennt svigrúm til að opna rotnar lánabækur fjármálafyrirtækjanna og föllnu bankanna.

FME hefur þarfara hlutverki að gegna en að reyna að elta blaðamenn og almenningsveitur . .  á meðan glæpamenn ganga lausir.

Þetta er byrjun á að breyta forgangsröðun.

Eltum fyrst þá stórtæku glæpamenn sem settu okkur á hausinn - svo má velta því fyrir sér að taka smákrimmana og þá sem talað hafa óvarlega og tugta þá eitthvað til  - - ef nokkrum þykir það þá ómaksins vert þegar hinir eru komnir á bak við lás og slá.

Kæru á hendur Agnesi vísað frá

Er ástæða til að taka mark á Jóni Steinssyni hagfræðingi þegar hann skrifar um pólitík?

 Er ástæða til að taka mark á Jóni Steinssyni hagfræðingi þegar hann skrifar um pólitík? 

Grein Jóns Steinssona hagfræðings í Bandaríkjunum í Morgunblaðinu 3. September 2009 er um margt afar sérkennilegt framlag til brýnnar rökræðu um sér-íslenskan skuldavanda heimilanna.   

 

Greinin getur varla talist venjuleg hagfræði eins og hún er framsett – enda full af umræðuhroka og pólitískum skætingi.  Þeir sem kallað hafa eftir aðgerðum við hinum augljósa vanda eru gefnar einkunnir og raðað, frá því að vera ”verstir” í það að vera ”næstverstir” og jafnvel eru einhverjir og ónafngreindir merktir einhverri ”vúdú-hagfræði.”

 

Hvorki hirðir hagfræðingurinn um að ræða efnislega um þær hugmyndir eða kröfur sem hafa komið fram um niðurfærslu verðtryggðra lána  - né að hann minnist á þann sértæka og hliðstæðulausa vanda sem verðtrygging fjárskuldbindinga  skapar í gegn um hrun og gjaldeyriskreppu.    

Íslenska hagkerfið er það eina í heimi sem býr við verðtryggingu húsnæðislána og almennra lána heimilanna.     Þess vegna er efnahagsvandinn sem íslenskur almenningur glímir við ólíkur því sem menn glíma við í nágrannalöndunum.   Afleiðingar kreppuhruns flytja gríðarlega fjármuni frá lántakendum í formi verðtryggingarlálags (verðbóta/gengislækkunar) og yfir til fjármálafyrirtækja og fjármagnseigenda.  Þess vegna eru fjármagnseigendur að hagnast á kreppuhruninu – á kostnað skuldsettra fjölskyldna.    Í því eru verstu afleiðingar verðtryggingar fólgnar. 

Látum það liggja milli hluta hvort ákvörðun stjórnvalda sl. haust að lofa fullri innistæðutryggingu – og beina 200 milljörðum inn í peningamarkaðsreikninga föllnu bankanna – var skynsamleg eða ótímabært örlæti.   Leiða má rök að því að samfara neyðarlögum og slíkri aðgerð hefði verið betra að frysta allar vísitölur og verðmælikvarða við ákveðin gildi – og stöðva með því fjármunatilflutninga milli hagsmunahópa.   Því miður var það ekki gert og við sitjum uppi með ósættanlega stöðu þar sem langstærstum hluta af hinu beina fjármunatjóni sem var fyrirséð var stýrt yfir á lántakendur og skuldsettar fjölskyldur eru nú að bogna undan. 

Það eru einungis örfá prósent sem ”skuldsettu sig til Helvítis” – og það eru einungis örfáir einstaklingar sem almennt hafa ekki áhuga á að standa í skilum með sínar afborganir.   Upplýsingar Seðlabankans leiða í ljós að um 11% íslenskra heimila hafa gengistryggð lán áhvílandi á íbúðum sínum og þar af um helmingur með 50:50 gengistryggingu á móti íslenskum krónum.   Varlega má áætla að það séu því á bilinu 3000-5000  fjölskyldur sem sitja með veðlán langt upp fyrir verðmæti eigna – sé yfirleitt heimilt að miða við gengi dagsins. 

Við getum haft alls konar skoðanir á því hvernig og til hvers íslenskur almenningur hefur tekið sín lán,  til að mennta sig og til að koma upp íbúð eða jafnvel standa undir neyslu.     Ég leyfi mér engu að síður að fullyrða að langflestir gera slíkt ”í góðri trú” -  gera raunsæjar áætlanir sem miða við að menn haldi vinnu og tekjum og búi við þær aðstæður að geta selt íbúðir og aðrar eignir ef forsendur gerbreytast.       

Það er ekki einu sinni boðlegt af fræðimanni að halda því fram að venjuleg fjölskylda á Íslandi hefði átt að gera sínar áætlanir miðað við að allsherjar bankahrun og gjaldeyriskreppa væri á næsta leyti.   Almenningur á alltaf að geta treyst því að stjórnvöld og eftirlitsstofnanir tryggi kerfislegan stöðugleika - - og það séu því einungis efnahagssveiflur sem menn þurfa takast á við, en ekki hrun.   Innlendi skuldavandi heimilanna og fyritækjanna á Íslandi – eftir hrun – er að lang-, lanmestu leyti orsakaður af verðtryggingu lána.    

Hamfaratjón

Íslendingar hafa reynslu af því að takast sameiginlega á við náttúruvá og staðbundin áföll og gera það af ábyrgð.  Nægir að vísa til þess hvernig þjóðin öll sameinaðist um að bæta eignatjón Vestmannaeyinga eftir gosið í Heimaey 1973 og einnig hvernig tekist var á við eignatjón af snjóflóðum í Neskaupstað, Súðavík og Flateyri.   Nýlega voru stjórnvöld að gera grein fyrir bótum vegna jarðaskjálfta á Suðurlandi.    

„Viðlagasjóður/Viðlagatryggingar“ hafa verið fjármagnaðar sérstaklega í slíkum tilvikum og gert er upp við tjónþolana óháð öðrum efnahag þeirra.   Ekkert ætti endilega að vera því til fyrirstöðu að glíma nú við afleiðingar efnahagshrunsins og tjón skuldsettra fjölskyldna eftir sambærlegum leiðum.   Sérmerktir skattstofnar til að dreifa byrðum af hamfaratjóninu og niðurfærslu lána er algerlega boðleg og umræðuverð hugmynd í stöðunni. 

Allar aðgerðir kosta eitthvað – og aðgerðaleysi einnig

Það er útúrsnúningur af hálfu lektorsins að menn láti almennt eins og aðgerðir til leiðréttingar á lánum með niðurfærslu verðtryggðra lána – muni ekkert kosta.    Hann mætti hins vegar að halda því til haga að aðgerðaleysi í skuldamálum heimila og fyrirtækja mun hafa gríðarlegan kostnað í för með sér – bæði vegna fjöldagjaldþrota og vegna þess að fólk telur sig neytt til að draga sig í hlé, stunda svarta vinnu og jafnvel hverfa úr landi. 

Það stefnir í stórfella og efnahagslega og samfélagslega vá ef umtalsverður hluti fjölskyldna kemur til með að búa við það í 20-30 ár fram í tímann að meginhluti ráðstöfunartekna renni til þvingaðra afborgana af verðtryggðum lánum – sem ruku upp um 30% í hruninu og gengistryggð lán sem tvöfaldast til lengri tíma.   Sem afleiðing af slíku mundi neytendahagkerfið skreppa saman, fyrirtæki í framleiðslu og þjónustu loka, atvinnuleysi aukast og tekjur ríkissjóðs falla verulega.    

Húsnæði er líka sparnaður

Sjálfseignarstefna íbúðarhúsnæðis hefur verið rökstudd með því að um leið sé verið að tryggja sparnað og eignamyndun fjölskyldunnar.  Ríkisvaldið tryggði sparifjáreigendum innistæður sínar að fullu og peningamarkaðssjóðir fengu ríflegar uppbætur á kostnað almennings  - án þess að ríkisstjórn og Alþingi tækju um slíkt beinar og lögmætar ákvarðanir.     

Jafnræði er mikilvægt hugtak í lýðræðisríkjum og til að varðveita samheldni í samfélögum verður almenningur að hafa traust á því til lengri og skemmri tíma að aðilum sé ekki mismunað eða einhverjum hópum, etv. minnihluta, neitað um rétt sinn.  

Kannanir benda til þess að mikill meirihluti kjósenda geri sér grein fyrir því að skuldavandi fjölskyldnanna hafi ekki fengið viðunandi úrlausn hjá stjórnvöldum.    Í ljós hefur komið að lögum greiðsluaðlögun eru meingölluð útgáfa af sjálfstæðissviptingu og langstæðri gjaldþrotameðferð – en ekki skýr heimild til nauðasamninga. 

Greiðslujöfnun, teygjulán, frysting og aðrar lánalengingar eru hins vegar aðeins frestunaraðgerðir sem kunna að auka á vanda fjölskyldunnar síðar með aukinn greiðslubyrði, og gagnast því lánveitandanum frekar en skuldaranum.   Nú er komið að íbúðareigendum og skuldurum að fá sína úrlausn. Ríkisvaldið má ekki draga það lengur að kalla aðila til virks samstarfs um leiðir til lausna.    

Hvaða fjárhæðir er um að tefla?

Miðað við síðurstu áramót voru allar verðtryggðar skuldir fjölskyldnanna í landinu ekki lant frá 1800 milljörðum.   Íbúðaveðlán voru ekki langt frá 1400 milljörðum.   Lánasöfn Íbúðalánasjóðs eru til 20-40 ára og lánasöfn bankanna til eitthvað skemmri tíma að meðaltali – etv. 25 ára.    Við niðurfærslu þessarra lánasafna getur ríkissjóður lagt inn skuldabréf -  á vegnum gjalddögum hinn leiðréttu lána.   Hvort sem lánasöfnin verða færð niður um 20 eða 30%  þá getur meðferð þeirra verið sambærileg.   

Heildarniðurfærsla íbúðalána getur kostað á bilinu 260-360 milljarða sem dreifist á líftíma lánanna.   Með því væri lánasafnið gert mun verðmætara og þörf fyrir fyrstingu og afskriftir minnkar verulega til skemmri tíma.  Um leið lækka veðmörk eigna og fasteignaviðskipti ættu að geta stuðlaða að virkri verðmyndun og jafnvægisleitni á markaði mun hraðar en ella. 

Ef menn telja að ekki sé réttlætanlegt  að beita hlutfallslegum leiðréttingum líkt og við annað hamfartjón – þá er málefnalegast að setja tiltekið hámark á heildarniðurfærslu eða skattleggja sérstaklega niðurfærslu hjá eignalega sterkum einstaklingum.   Taka verður almennar ákvarðanir um skattalega meðferð niðurfærslu skulda – og má etv. segja að það sé ekki sjálfgefið að öll skuldaniðurfelling skuli vera skattfrjáls, - eða hvað finnst mönnum um niðurfellingu á kúlánum í Kaupþingi t.d.?    

Skiljanlega hafa komið fram mótbárur um  að ríkt fólk hafi ekki þörf fyrir niðurfærslu lána sinna eða slíkt væri andstætt einhverjum réttlætisviðmiðum og því er hiklaust málaefnalegt að setja hámark á niðurfærða fjáhæð, (sem hefur þó þann galla að með því væri verið að afneita forsendubresti í lánasamningum hinna velstæðu), - eða þá að takmarka skattfrelsi niðurfærslu við annan efnahag fjölskyldnanna og skattleggja með verulega hárri prósentu (60-80%) – þær fjárhæðir sem færu t.d. umfram 7-10 milljónir ef skuldlaus eign viðkomandi er t.d. yfir 50 milljónir.   Nú ber einmitt svo vel í veiði að hagfræðingurinn J Stiglitz bendir á að skattlagning skuldaleiðréttinga sé óhjákvæmileg og eðlileg leið  - eftir almennum leikreglum. 

20-30% niðurfærsla verðtryggðra lána leysir auðvitað ekki bókstaflega allan vanda.  Eftir sem áður situr tiltölulega afmarkaður hópur sem hefur yfirveðsettar eignir og/eða  hefur misst tekjugrunn sinn.   Miðað við að samhliða niðurfærslu verðtryggðra krónulána verði heimilað að gengistryggðum lánum verði umbreytt í krónulán og miðað við lántöludag framreiknuð með sambærilegum hætti og um venjuleg krónulán væri að ræða (með þeim fyrirvara þó að komi í ljós að lögmæti gengisviðmiðunar sé ekki fyrir hendi þá verði afturköllun slíkra gerning heimiluð).    

Hagfræðingurinn JS hefur sýnilega tæpast ekki áttað sig á því að fyrirheitin um skilvirkni greiðsluaðlögunarúrræðisins hafa algerlega brugðist.   Það vekur jafnframt allmikla furðu að Jón skuli halda því fram að ríkisstjórnin sé á og eigi að ”halda áfram á réttri braut.”  Hvað braut er maðurinn eiginlega að tala um?   Nema hann sé sjálfur í því hlutverki að ráðleggja ríkisstjórninnni að gera ekkert í málinu og ríkisstjórnin sé að fara eftir tillögum hans.    

Sú leið sem nokkrir talsmenn ríkisstjórnarinnar hafa fest sig í og Jón Steinsson virðist styðja er að bankar og fjármálafyrirtæki taki hvern einstakling og geri við hann sérsamning – um fjárhagslegt líf eða dauð – með öllum þeim skelfilegu fylgikvillum sem slík mun hafa.  Bæði er aðferðin óskynsamleg vegna umfangs, kostnaðar  og óskilvirkni og einnig hitt að með slíku er boðið upp á framlengingu á þeirri skelfilegu spillingu og kunningjafyrirgreiðslu sem átti ríkan þátt í að framkalla hrunið sjálft.    Það er óþolandi að það verði undir duttlungum lánafulltrúa komið hver fær lánaleiðréttingu og hver ekki, - hversu mikla leiðréttingu og á hvaða kjörum.  

Sannarlega er það rétt hjá JS að það orkar tvímælis að hækka skatta á ”alsaklausu fólki” – vegna hrunsins, - en hver hefur enfi á aleiðingum hrunsins?  Meginskylda stjórnvalda er að gæta jafnræðis og réttlætis við alla gjörninga.   Fyrri ríkisstjórn stóð að því að tryggja innistæður í bönkum með fullri verðtryggingu og vöxtum og 200 milljarða extra inn á peningamarkaðsreikninga – og fyrri ríkisstjórn missti af tækifæri til að frysta vísitölur og gengisviðmið lánasamninga.    Þessi atriði hafa kostað ríkissjóð beint amk. 380 milljarða nú þegar  - fyrir utan að meginóvissan í ICESAVE skaðanum varð margfölduð vegna þessa örlætis.   Á fyrsta stigi fellur þessi kostnaður á efnahag bankanna en ákvarðar með því um leið þá fjármuni sem ríkisvaldið þarf að leggja bönkum aukalega vegna þessa.  Þessi kostnaður verður að dreifast á alla skattgreiðendur til framtíðar – en má ekki bara falla á skuldsettar fjölskyldur eins og aðgerðaleysi í lánamálum heimilanna mundi leiða af sér. 

Hamfarir

Það hefur verið meginsjónarmið siðmenntaðra samfélaga að ófyrirséð tjón einstaklinga skuli bæta.   Til þess hafa menn komið sér upp víðtækri tryggingastarfsemi gagnvart flestum eignaflokkum og til slíks eru tryggingasjóðir að baki bönkum.    Hamfaratjón er hvarvetna bætt með sameiginlegum lausnum og úr sameiginlegum sjóðum hvort sem um er að ræða jarðskjálfta, eldgos, snjóflóð eða fellibylji og skógarelda.    Þá er aldrei spurt um annan efnahag tjónþolans áður en kemur að uppgjöri -  - einungis leitast við að gæta jafnræðis milli tjónþola þannig að allir sé hlutfallslega jafnsettir.    

Þannig ber íslenska ríkinu að taka verðtryggingar-afleiðingar hrunsins út úr persónulegum fjárhag skuldsettra fjölskyldna og dreifa þeim vanda á næstu 20-40 ár með samstilltu átaki og mögulega sérmerktri tekjuöflun.   Samheldni samfélagsins og stórfjölskyldunnar er í veði – og efnahagslegt heilbrigði verður tæpast í sjónmáli án djarfrar og réttlátrar lausnar á þessu máli. 

Pólitík er ekki hagfræði

Nú reynir á pólitískt þrek og víðsýni ráðherra í ríkisstjórn og Alþingis að kalla saman fjölmarga aðila til að leggja í púkkið og leita samstöðu um aðgerðir og skapa sátt.    Það er óskynsamlegt hjá ráðherrum að reyna að loka Alþingi og hagsmunaaðila frá þeirri vinnu – og það er ekki vænleg leið og fá stjórnarfrumvarp inn í þingið – til þess er þvergirðingur einstakra ráðherra búinn að vera allt of mikill.    

Það er miklu vænlegra að stjórnvöld skapi vettvang með launþegasamtökum, Hagsmunasamtökum heimilanna og hagsmunafélögum á húsnæðismarkði um að leggja upp og útfæra lausnir.    Sjálfsagt er að sækja faglegt mat á útfærslum og líklegum áhrifum tiltekinna aðgerða, en það er auðvitað engin þörf á að leita pólitískra ráða hjá hagfræðingum fremur en vel meinindi almenningi og hagsmunaaðilum.  

Jón Steinsson virðist mér ekki geta kennt íslensku ríkisstjórninni góða pólitík, en vel má vera að hann sé þrátt fyrir það afburða góður hagfræðingur.

Lilja Mósesdóttir getur virkjað fjöldahreyfingu um leiðréttingu á ranglæti verðtryggingarinnar

Ástæða er til að fagna þessu útspili félags og trygginganefnar Alþingis og Lilju Mósesdóttur sem formanns nefndarinnar.

Verðtryggingarvandamálið er "sér-íslenskt" - að því er krónulán varðar.  Hrunið hefur hlaðið ofan á verðtryggðu lánin langt í 30% á síðustu 18 mánuðum og étur með því upp eignir fjölskyldnanna með margföldum hraða á við það sem þekkist í öðrum löndum.   Verðbólga í Bretlandi og Bandaríkjunum vinnur með fasteignaeigendum þeirra landa og dregur úr greiðslubyrðinni á meðan verðbólgan eltir lántakendur á Íslandi út í það óendanlega.

Stjórnvöld beittu sér fyrir aðgerðum á fyrstu dögum hrunsins sem færðu gríðarlega fjármuni til "sparifjáreigenda" - á kostnað ríkisins - með því að ríkið þarf að leggja bönkunum til hundruð milljarða.   Á sama tíma lét ríkisstjórnin undir höfuð leggjast að frysta vísitölu neysluverðs og aðra þá mælikvarða sem flytja peninga á milli handa innan fjármálakerfisins.    Með því var innistæðueigendum færðir gríðarlegir fjármunir í formi vaxta og verðtryggingar - sem stjórnvöld hafa um leið tekið út úr fjárhag allra almennra lántakenda og skuldsettra fjölskyldna í landinu.

Hagsmunasamtök heimilanna - og ákallshópur samstarfsaðilam Félags fasteignasala, Húseigendafélagsins og fleiri aðila . . .  munu halda áfram að knýja á um aðgerðir til aukins jafnræðis og til að freista þess að verja eignir almennings og stuðla að jafnvægi á húsnæðismarkaði.

Hvers vegna skyldu líka ungu fjölskyldurnar sem fjármögnuðu háskólanám sitt að umtalsverðu leyti þurfa að borga allt að 30% aukagreiðslu vegna hruns fjármálakerfisins     ? ? ?

Alvarleg skilaboð felast í minni greiðsluvilja

Sumar með sól og regn og fólk og hesta

Lítið hef ég bloggað síðan í vor.   Ekki vegna þess að mér hafi fundist allt vera slétt og fellt; - öðru nær.   Hef samt lítið opnað tölvuna á kvöldin.   Stundum vegna þess að ég hef verið að þvælast á hestbak eða vesenast í kring um útiverk - og stundum vegna þess að við höfum fengið gott fólk í hús.

Við frú Helga settum talsvert mikið púður í að standsetja baðherbergi í Ystafelli - - auk þess sem almenn verk við hirðingu þar á bæ taka tíma um kvöld og helgar.    Svo eru það býflugurnar sem þarf að "smala og gefa" - - - - eftir tilteknu mynstri.   Vonandi næ ég undan þeim hunanginu áður en það verður allt ónýtt. . .

Svo tókum við smáhringferð með góðu fólki og 40 hestum um Þingeyjarsýsluna:  um Fnjóskadal, Bárðardal og Mývatnssveit og síðan í Laxárdal, Reykjadal, Aðaldal, Kinn og ´Ljósavatnsskarð og enduðum á Hálsi í Fnjóskadal.      Býsna strembið - - og raskaðist vegna slæmrar veðurspár og kulda á hálendinu 23.-25. júlí sl. - tókst samt bara vel.   Kom með einn bólginn hest úr ferðinni sem þurfti að sinna í framhaldinu . . . en er á góðum batavegi.

Höfum farið í nokkrar gönguferðir -

m.a. Í Hrafntinnuhrygg og Leirhnjúk og upp á Kinnarfjöllin og í Austurdal í Skagafirði . . . . . á Fiskidaginn á Dalvík

Enn hef ég ekki tekið nema lítinn hluta af sumarfríi 2009 . . . og frú Helga mætir í nýtt skólaár í Brekkuskóla á morgun.

Margt er ógert af því sem við höfum látið okkur detta í hug - og þó erum við ekki farin að hella okkur í að vinna sjálf við að byggja á Krókeyrarnöfinni , , , , , , það stendur hins vegar til um leið og gluggar og einangrun kemur á - - í næsta mánuði . . .

Verkefnin eru endalaus í vinnunni - - - og þegar henni sleppir þá er alltaf nóg að gera í öðru . . . .

Liklega blogga ég framvegis ekki nema út úr leiðindum og til að drepa tímann . . . .

. . . sjáum til . . . .

Miðsumarshretið - hafði næstum drepið Jónas: og nú er spáð illa!

Skrítin tilviljun í veðurfarinu.   Miðsumarshretið sem næstum drap Jónas Hallgrímsson fyrir 170 árum - var snarpt og nú er Einar Sveinbjörnsson að hamast við að spá áhlaupsveðri   http://www.mbl.is/mm/frettir/innlent/2009/07/21/midsumarhret_i_vaendum/ 

Belgingur er líka ljótur http://www.belgingur.is/vedurkort/ 

Vonandi fer ekkert af góðskáldum eða nátturufræðingum sér að voða á Nýjabæjarfjalli - eða nokkurs staðar annars staðar.

Nú er líka farið að slá af veðuspánni . . . og við sem hugðumst fara ríðandi um Fnjóskadal, Bárðardal og að Suðurá - og síðan um Mývatnssveit í Laxárdal - höfum endurskoðað ferðaplönin.

(Einar er auðvitað Framsóknarmaður og sjálfsagt ekkert á hann að treysta - í svona "veður-pólitískum efnum.)

Í fótspor Jónasar yfir Nýjabæjarfjall

Vextir Seðlabankans eru bara bull og byggjast á föllnu efnahagsmódeli

Það þarf ekki mikið fleiri orð um það. Vaxtamundurinn við útlönd er himinhrópandi og aldrei meir en núna þar sem verðbólga er einungis tilkomin vegna gengisveikingar - sem er ýtt undir með vaxtabyrðinni á jöklabréfa-stabbanum og innlausn vaxtaskuldarinnar.

Atvinnulífið stendur ekki mikið lengur - og annað hrun verður framkallað í "boði Seðlabankans" . . . . og nóg var nú fyrir.

Það er ekki hægt að bera raunvexti langt umfram 10% . . . . . .  hvorki lengur eða skemur.  Hættið þessu bulli og  hreinsum út úr Seðlabankanum,  Gerum Vilhjálm Egilsson að Seðlabankastjóra til áramóta!

Fylgjast náið með reikningum