Of mikil lækkun skatta . . . . . er varasöm

Nú síðustu dagana hefur verið vitnað talsvert í Laffer þann sem þykist hafa fundið upp á því snjallræði að boða skattalækkanir - jafnvel í því skyni að hækka með slíku heildartekjur ríkissjóðanna.   Laffer ráðlagði Reagan-stjórninni sem sat frá 1981-1989 og lækkaði að sönnu skatta en hlóð á sama tíma upp fjárlagahalla sem gamli Bush tók í arf og margfaldaði.

Allir vita að Chile og Nýja-Sjáland tóku gríðarlega skattlækkunarsyrpu - - í eftirtanka Reagan-Thatcher tímabilsins - og öll helstu samanburðargögn sýna okkur nú að frjálshyggjan og skattalækkunaröfgarnar í þessum löndum hafa stórskaðað efnhag og sköpunargetu þessarra samfélaga.

Nýlega hafa margir frjálshyggjupostularnir lofsungið árangur Eystrasaltsríkjanna - - sem sannarlega hefur verið á uppleið . . efnahagslega  - en þar voru menn sannarlega að leggja af stað úr litlu.  Nú er þeim hins vegar spáð býsna harðri lendingu - eftir brattan vöxt - sérstaklega Lettlandi.   

Í Eistlandi er búið að keyra með flatan skatt og lága skattheimtu.  Þar er líka býsna erfitt að finna nein alvöru einkenni Evrópska velferðarríkisins - - misrétti er ráðandi einkenni í enahagslegri skiptingu.    Fyrir hvern er slíkt eftirsóknarvert?

Lágir skattar - - og skattalækkanir á Íslandi síðustu 3-5 ára - hafa aukið þensluna og vakið verðbólgu - og standa núna undir þessum fráleitu vöxtum mörgu öðru fremur.   Svo er biðlistaþjóðin búin að slá sjálfa sig til riddara með því að búa ömurlega að öldruðum - í þvinguðu sambýli ef þeir á annða borð komast inn á vistheimil - biðlistar eftir sjúkrahúsvist - og greiðslur fyrir komur til lækna svo verulegu nemur fyrir þá sem lítið hafa.  Skólakerfi sem hefur ekki staðið undir hækkuð menntunarhlutfalli svo nokkru nemur  síðustu 5-7 árin - - og rekstrarvandi í framhaldsskólum . . og samgönguvandamál í vaxandi mæli.

Fyrir hvern er svo verið að lækka skattana á velstæðum borgurum? - - og fyrir hvern er verið að lækka fyrirtækjaskattana niður fyrir það sem þekkist meðal  nágrannaþjóðanna - - - ?

Skattalækkanir á þenslutíma eru þensluhvetjandi og - - - verðbólguaukandi - - um leið dregur úr getu velferðarkerfisins og skólakerfis - - - er þess vegna röng aðgerð . . . . og mistök

 

 

Ný forysta og stjórnun . . . byggð á virkjaðri tilfinningagreind Golemans

Breyttir tímar færa okkur því betur oft og iðulega nýjan og víðtækari skilning.  Eitt af því sem fjölþjóðlegir staumar hafa verið að færa okkur hingað til Íslands eru breytt viðhorf til stjórnunar.   Skilningur á persónulegum styrkleikum og hæfni og um leið mikilvægi samskiptalæsis og öflugt vald á tilfinningum og geðbrigðum eru verðmæti sem hver og einn einstaklingur ræður yfir - í mjög mismiklum mæli.  Þetta er það sem einkennir það sem kallað er tilfinningagreind; Emotional Intelligence (EQ).  Daniel Golman  /Wikipedia - alfræðin

Nú hefur íslenski atvinnumarkaðurinn  - - og smátt og smátt skólafólkið í landinu - byrjað að nýta sér þá pælingu sem Daniel Goleman hefur fært okkur - ásamt sínu samstarfsfólki - - ekki síst Richard Boyatzis og Annie Mackee.  Goleman sótti sér hugtök sem aðrir höfðu formað á undan honum ma. Payne (PhD, 1985) og seinna félagarnir Mayer og Salovey (1990).    Það var með bókinni Emotional Intelligence, 1995 sem ævintýri Golemans virkilega hófst.   Bókin varð "bestseller" og hefur verið meira og minna í hillum bókabúðanna síðan.  Frá þeim tíma hefur Goleman verið vinsæll fyrirlesari og gefið út nokkrar bækur  - m.a. Working with Emotional Intelligence, 1998, og síðan  Primal Leadership, 2002 og enn síðar Social Intelligence 2006.   Bókin Forysta og tilfinningagreind  kom út hérlendis fyrir tveimur árum og hefur náð talsverðum lestri skólafólks og stjórnenda í sjálfsstyrkingarhugleiðingum og með starfsmannaáhuga.  Öflugir félagar hans reka vefsetur sem uppfærir nýjustu hræringar í þessarri orðræðu.

Hérlendis höfum við verið svolítið óheppin með kynningu á hugtökunum og pælingum Golemans.  Fyrst vegna meingallaðrar þýðingar á bókinni Tilfinningagreind og síðar vegna þess að öflugir andróðursmenn með tiltekinn fræðahroka hafa lagt talsvert á sig til að vefengja hugmyndir og rannsóknir og ekki síður rökfærslu Golemans.  

Goleman flytur okkur öflugar pælingar og sannfærandi rök - sérstaklega góða uppeldisfræði fyrir fólk á öllum aldri.   Ekki endilega "mikil vísindi" í þröngsýnum gamaldagsskilningi - en hagnýta þekkingu og velviljað upplegg.   Prívat er ég þakklátur fyrir að hafa kynnst pælingum Golemans - og alveg handviss um að ég er betri einstaklingur og öflugri starfsmaður - og álít að þess vegna eigi ég möguleika á meiri lífsfyllingu og jafnvel hamingju.   

Þessarri þekkingu er ég hreykinn að fá að miðla í örlitlum mæli til nemenda í meistaranámi í skólastjórnun í kennaradeild Háskólans á Akureyri - og einnig meðal nemenda í námskeiði um þekkingarstjórnun (Knowledge Management) í viðskiptadeild HA.  

Var einmitt að kenna öflugum hópi áhugasamra nemenda í dag .. . . . .

 

Björn Steinar hefur unnið sérlega gott starf fyrir tónlistina á Akureyri

Kór Akureyrarkirkju var að syngja kveðjumessu með okkar fráfarandi stjórnanda og organista í dag.   Hann var ungur þegar hann byrjaði og það voru fáir söngmenn sem skipuðu kórinn.    Það hefur verið frábært að syngja í kórnum næstum því frá byrjun ferlis hans.   Tónlistarlífið hefur dafnað og blómstrað og þess sér stað í kirkjumúsík Íslands hversu öflugur Björn Steinar hefur verið - ásamt mörgum góðum samstarfsmönnum  - auðvitað.

Félagslíf kórsins - og samvera - ferðalög og æfingabúðir - ásamt metnaðarfullum verkefnum - allt virkilega til að þakka fyrir.   Björn Steinar hefur verið kröfuharður - - og það hafa margir reynt að það er ekki auðvelt; "að segja nei við Bjössa."

Það verður áhugavert að fylgjast með hvernig honum gengur að efla tónlistarlíf Þjóðkirkjunnar - í formlegu hlutverki fyrir Tónskólann - um leið og hann heldur sjálfur áfram að leika á orgel  - halda tónleika og sinna hlutverki í Hallgrímskirkju í samstarfi við Hörð Áskelsson.

Björn Steinar er orgelleikari á heimsmælikvarða - - og hefur sýnt það og sannað á liðnum árum  - með ferli sínum.      Við  höfum notið samstarfs og starfskrafta hans í meira en 20 ár - - - það er dágóður skammtur.    Sóknarnefndin bauð til kveðjuhófs sl. föstudagskvöld . . . þar sem við fórum yfir ferlinn - - og samstarfið var rifjað upp - í gamni og alvöru - - og sumir fögnuðu lengur en aðrir eins og vera ber.

Kærar þakki kæri Björn Steinar - - og árnaðaróskir til þín og þinna

Jóhanna er byrjuð að snúa ofan af áralöngu aðgerðaleysi - eða ranglæti Framóknar

Málefni þess hóps sem á langveik og mikið fötluð börn eru búin að vera illa meðhöndluð.   Nú er Jóhanna að stíga inn til að létta og leiðrétta -  en kannski nær þetta ekki nógu langt.  Aðgerðanna er þörf og ég mun reyna að fylgjast með hverju þessi áfangi skilar.

Veit líka að á landsbyggðinni er gríðarlega mikilvægt að efla og koma upp vistunarúrræðum - til lengri og skemmri tima - fyrir langveik og mikið fötluð börn.  Rjóðrið í Kópavogi var frábær viðbót á sínum tíma - en þjónar ekki öllum og er býsna erfitt fyrir þá sem í fjarlægari landshlutum búa að nýta sér sem skyldi. 

Þarna er átaks þörf og mikilvægt að Jóhanna fái að vita af því - sem og að samtök og velvildaraðilar komi inn í þennan þjónustugeira á ný - svo sem eins og Þroskahjálp og skyld félög áður gerðu.  Mér sýnist að hér vanti baráttufólk til að taka á fyrir hönd þeirra sem sjálfir standa í stríðinu alla daga  - með sín börn.

 

Félagsmálaráðherra boðar úrbætur fyrir langveik börn

Breytt staða gagnvart virkjunum - - nýja atvinnulífið fær loksins byr

Það hefur reynst talsvert erfitt að koma umræðu um hátækni og nýsköpunaratvinnulífið á dagskrá hérlendis.   Álversbrjálæðið hefur verið keyrt yfir umræðuna og stóru framkvæmdirnar hafa fengið allan forgang hjá stjórnvöldum.

Framsóknarflokkurinn lagði sig undir til að keyra álæðið um langt árabil og heilt ráðuneyti og risafyrirtæki eins og Landsvirkjun og jafnvel RARIK og OR og fleiri lögðu mikla fjármuni að mörkum til að keyra áróður. . . . . í eina átt.

Andmælendur álæðisins og náttúrverndarsinnar hafa verið kaffærðir undir áróðrinum og  hafa þess vegna ekki náð fram með sínar röksemdir fyrir "hinu nýja atvinnulífi" hátækni og sérhæfðrar þjónustu.     Menntun og rannsóknir - hafa orðið útundan á stjórntíma síðustu ríkisstjórna . . . það hefur þess vegna ekki verið fjárfest í því umhverfi sem þarf til að byggja alvöru forsendur fyrir þeim vaxtargreinum sem eru líklegastar til að skapa framtíðarvöxt og tryggja okkur samkeppnisforskot.

Nú eru loksins eitthvað að breytast forsendurnar . .  og umræðan.  Með innnkomu Samfylkingarinnar í ríkisstjórn.   N'u reynir á að iðnaðarráðherra nái að leggja upp samstöðu um þessar breyttu áherslur og keyra upp stemmingu fyrir Vaxtarsamningum sem hafa innihald.   Innihald þar sem fjárfesting í rannsóknum. menntun og þróunarstarfi  - í kring um háskóla og rannsóknarstarfsemi - er þungamiðjan í atvinnuþróuninni.

Þetta er mikil áskorun - - - og þörf að ´´utfæra virka framtíðarsýn til uppbyggingar vísindagarða og þekkingarklasa - - - en ef tækifærið er ekki gripið þá er von á klúðri sem tæplega yrði fyrirgefið í bráð...

Guðmundur Ólafsson gerir harkalegar athugasemdir við vaxtastefnu Seðlabankans

Góður Guðmundur Ólafsson í Silfrinu í dag.   Hann er algerleg að greina frammistöðu Seðlabankans með sama hætti og ég hef gert nú frá því síðasta vaxtahækkun dundi yfir.  Hann rifjar líka upp að Davíð Oddson sé ekki búinn að sætta sig við það að vera kominn út af pólitíska sviðinu - - -

Það er alveg ljóst að ´það er ekki unnið eftir neinu hagfræðimódeli hjá Seðlabankanum - - eða neinni prófaðri teoríu fyrir galopin dverghagkerfi . . . ´slík viðmið eru ekki til.

Hlustið á Guðmund í Silfrinu  hann er algerlega á þeirri línu sem ég hef verið að hamra á núna mánuðum saman.

Egill Ólafsson - misskilur "kotbóndann" og mærir "verksmiðjubúskapinn" ........

Í Morgunblaði dagsins er viðhorfs-pistill (bls34) eftir Egil Ólafsson.   Leggur út af "Síðubók Böðvars Guðmundssonar" sem var að koma út.     Kotbúskapur þess tíma sem Böðvar vísar til - - var "kotbúskapur" og mikið erfiði - oft og einatt basl fyrir þann smáa bóndann og fjölskyldu hans og ekki síður fyrir vinnuhjúin.....  Það eimdi verulega eftir af þeim búskap þegar Böðvar var að vaxa upp í S'iðunni.

Egill hins vegar lendir virkilega út um víðan völl og langt frá því sem Böðvar er að tala um sem "kotbúskap og basl" - sem er engin eftirsjá að.

Sjálfbær fjölskyldu-búskapur með 300 kindur og 12 kýr um og upp úr 1970 - var að sönnu enginn stórbúskapur - - og gaf oft og iðulega ekki mikið meira en til hnífs og skeiðar . . . .  en gaf þó til þarfa fjölskyldunnar og oft vel það.......   Þetta var samt um leið "lífsform" - - og þannig rómantískt fyrir marga sem hafa ánægju af umgengni við sinn búsmala og það mannlíf sem sveitin elur.

Hagfræðingar og markaðshyggjumenn (m.a. Gylfi Þ Gíslason) - ásamt áætlunarbúskap Stalíns hafa lagt upp margar kenningar og rekið þónokkrar tilraunir með verksmiðjubúskap lengst af 20. öldina.   Kjúklingarækt og svínarækt um heim allan eru rekin í því formi og upp á síðkastið hefur mjólkurframleiðslan víða hvar þokast í þá áttina.

Það að hafna innflutningi á sænskum kúm eða norskum  - á ekkert skylt við "rómantík" kotbóndans - - og það á heldur ekkert skylt við slíka rómantík að benda á að sjálfbær rekstur smærri eininga - getur staðið undir hærri gæðastandard á matvörunni heldur en verksmiðjubúin get.

Svo má ekki gleyma þeirri mengun og sóun sem verksmiðjubúskapurinn stendur undir - í formi efna og lyjanotkunar og - og vinnuskilyrði verkafólks á kjúklingabúum í ýmsum löndum kynnu jafnvel að gera kjör margra "smábænda" á Íslandi góð.

Ekki hefur enn tekist að sýna fram á að "stærra sé endilega betra" - í rekstri kúabúa á Íslandi og ekki heldur að það sé sjálfgefið að ofurvélvæðing og fjármagnskostnaður stórbúsins færi bóndanum og fjölskyldu hans meiri tekjur og aukin lífsgæði; - í "Síðunni sinni"

 

Guðni gleymir sér í fordómum og kvenfyrirlitningu...

Hissa á því að blaðamaður Morgunblaðsins skuli endurvarpa - "án tilvitnunarmerkja" - því orðbragði sem Guðni notar t.d um Ingibjörgu Sólrúnu.  Þykir það ekki sæmandi Guðna  - og alls ekki ef hann er nú að reyna að staðsetja Framsóknarflokkinn "almúgamegin" á stjórnmálasviðinu.   Guðni lét sér lynda í 12 ára sambúð við Sjálfstæðisflokkinn að færa flokkinn algerlega frá félagshyggju og hefðbundnum rótum flokksins meðal almúgans - amk. að því er snerti frjálslynda og framsækna félagshyggju.   Eftir sat forpokuð forsjárhyggja og þröngsýnt íhald - - fyrir það mesta.. sem bakkaði þá Davíð og Halldór upp alla leið til Írak.....og í tjáningarbann fjölmiðlalaga. . .  Ja. svei... og þú líka Guðni!

Þess vegna Guðni ert þú formaður í smáflokki . . . . .

Guðni: Forsætisráðherra er daufur og sinnulaus

Mótsagnir í röksemdum greiningaraðila og bankastjórnar Seðlabankans

Er meira og meira undrandi á því hvað hefur gripið um sig meðal greiningaraðila og fjármálafyrirækjanna eftir að Davíð lét höggið ríða.  Enginn aðili spáði vaxtahækkuninni og nú fuma þeir allir og fleipra . . . .  og bollaleggja einungis um það "hvað bankastjórn Seðlabankans hyggist fyrir" - við næstu ákvörðun.  Ekkert er rýnt í hagþróunina teljandi - engin teoría fyrir opin-dverghagkerfi er leidd fram  - heldur er spáð í geðslag og duttlunga.

Komin upp gamalkunnug staða þar sem fleiri og fleiri aðilar  - - eru orðnir skelkaðir - - og vita ekki hvað gerist næst þegar "hurðunum verður skellt" - - - -  bíða milli vonar og ótta.

Þetta er óeðlilegt ástand í efnahags- og stjórnmálum og það er ríkisstjórnarinnar að grípa í taumana og kalla aðila til "þjóðarsáttar" - - að nýju.  Í þjóðarsátt 2007-2008 er ekki rúm fyrir Seðlabanka og "-vættinn við Arnarhól"

Nýjar lausnir þurfa að koma til.  Öll samtök atvinnulífsins eru farin að kalla og flestir marktækir aðilar á vinnumarkaði . . . .  nú er lag fyrir klára stjórnmálamenn....

Bensi

Stöndum saman um orku-útrásina - þrátt fyrir mistök REI og GGE í bland við skipbrot Sjálfstæðisflokksins

Núna eru viðkvæmir tímar á sviði orkumálanna;   það er sennilega mörgu hægt að klúðra en líka eru möguleikarnir miklir og áhugaverð tækifæri.

Það var algert klúrður hvernig Sjálfstæðisflokkurinn lak niður á sínum málum gagnvart REI og sameiningu við GGE.  Þar voru vinnubrögð ekki nægilega vönduð - - en í stað þess að laga það og leiðrétta vinnuferlana þá réðust þeir á sinn foringja og slátruðu honum og valdastöðu sinni og trúverðugleika í leiðinni.

En stundum er ekki allt svo með öllu illt............

Nú virðist sem sé hafa skapast nokkuð breið samstaða um tvennt;

• að orkuauðlindir þjóðarinnar eiga að vera í samfélagslegri eigu eða vörslu amk.
• að ekki komi til grein að gefa einkafyrirtækjum aðild að rekstri og einokunarstarfsemi á sviði vatns og orkuveitna.

Þessu tvennu má ekki glutra niður: - og  ríður á miklu að Samfylkingin í borgarstjórn leiði menn í farsælan vinnslufarveg í þessum tveimur liðum og landsmálapólitíkin - takist á við að staðfesta almannaeignarhaldið og auðlindatökin  - helst í stjórnarskrá  - eða amk. þannig að orku- og vatnalög verði ótvíræð.

Annað sem var búið að skapa nokkuð víðtæka samstöðu um var að Íslendingar hefðu mikið fram að færa gagnvart umheiminum í formi þekkingar og reynslu af að virkja jarðvarma og einnig gagnvart víðrækari nýtingu endurnýjanlegra orkugjafa.     Samstaða allra flokka í Reykjavík um REI á sínum tíma - þar sem Guðlaugur þór fór í forystu - er dæmi um þetta.   Viðskiptalífið -  - og orkufyrirtækin sáu möguleika á járfestingum og viðskiptaveltu í nálægum en þó einkum fjarlægari löndum.   Um þetta virtist ekki ágreiningur.

Annar vinkill þekkingarútrásar hefur verið nefndur sem sá sem Jarðhitaháskóli Sameinuðuþjóðanna - er meiður af.   Þar hefur Ísland látið í té þekkingu og þjálfun fyrir  þróunarríki - sem hluta af aðstoð í mannúðarskyni.

Þriðji vinkillinn er síðan sú útrás sem RES-orkuháskóli á Akureyri (The School for Renewable Energy Science) leggur upp með.   Það er að selja öðrum þjóðum sérhæfða þekkingu á sviðum endurnýjanlegrar orkunýtingar og stefnumótunar - bæði innlenda og alþjóðlega þekkingu - með starfrækslu einkaháskóla á meistarstigi og rekstri sérhæfðs rannsóknarsamstarfs og þekkingarnets.

RES (www.res.is) er áhugavert nýsköpunarverkefni og frumkvæði sem hefur dregið að sér fjárfestingu heimaaðila og fjármálastofnana og orkufyrirtækja.    Aflast hefur stór styrkur frá Þróunarsjóði EFTA - og gert ráð fyrir að kennsla úrvalsnemenda frá Póllandi og fleiri A-Evrópuríkjum fari af stað í byrjun árs 2008.  Sumarskóli fyrir háskólanemendur frá USA er þegar farinn af stað hjá RES sem og leiðtogaskóli fyrir stjórnendur og stefnumótendur í orku- og fjármálafyrirtækjum og opinberri stjórnsýslu.

____

Það að taka þekkingu og verkferla Orkuveitu Reykjavíkur og setja inn í REI var og er góð hugmhynd og ástæða til að vinna hana áfram.  Fleiri orkufyrirtæki ættu að gera slíkt hið sama - - eða svipaða hluti.   Það þarf með öllu að skilja á milli nýtingar almannaeigna í formi auðlindanna og rekstrar almannaþjónustu veitnanna annars vegar og þeirra möguleika sem felast í sölu á þekkingu og reynslu af virkjunum og veitum hins vegar.

--

Þessu megum við ekki blanda saman: - vandræðagangurinn með REI og GGE og græðgisvæddir kaupréttarsamningar eru að mínu mati ekki sönnun þess að einkaaðilar og opinberiri aðilar megi ekki vinna saman í orkuútrásinni - líkt og skilja má t.d. á Helga Hjörvar alþm. í grein í 24-stundum í dag.

Það er heldur ekki skynsamlegt að halda því fram að fyrirtæki í opinberri eigu megi ekki hagnast af starfsemi erlendis - eða innanlands - eins og skilja má marga Sjálfstæðismenn þessa dagana.

Nú  þurfum við á því að halda að jákvæð forysta taki við í þessum málum - forysta sem leggur eitthvaða að mörkum til að tryggja víðtæka samstöðu um að snúa orkuútrásinni til ótvíræðra hagsbóta fyrir Íslendinga.  Þá er ég bæði að tala um á sviði fjárfestinga og rekstrar í fjarlægum löndum og ekki síður á sviði þess að selja sérhæfða þekkingu í formi háskólakennslu - bæði hjá RES orkuháskóla og Háskóla Sameinuðu þjóðanna - - -

Nú þurfum við að standa saman -  og hér á Samfylkingin erindi og stendur frammi fyrir áskorun.

Bensi