Góður hópur sundmanna

Gaman að sjá að 7 eru á leiðinni í sundkeppnina í Peking.  Ekki væri nú verra að einhverjir bættust í hópinn næstu 3 vikurnar  - í þeim greinum sem ekki er kominn skráður keppandi.

4 af þessum 7 hafa áður spreitt sig í Ólympíuleikum og þeir Örn og Jakob meira að segja á tvennum leikum.   Stórkostlegur árangur Arnar sem náði 4. sætinu í Sydney 2000 hvarf þá að nokkru í skuggann af bronsverðlaunum Völu Flosadóttur og sama var að segja um frábæran árangur Guðrúnar Arnardóttur í grindahlaupinu; 6. sæti.

Vonandi nær Örn sér á sitt besta strik að nýju og sama óska ég öllum hinum keppendunum.     Það er frábært að fylgjast með nýja fólkinu sem er að seilast til frekari árangurs.   Mér finnst líka athyglivert að það skuli nú vera tveir keppendur að leggja í sína þriðju leika.  Úthaldið er nefnlega líka mikils virði fyrir sundið sem íþróttagrein.

Gangi ykkur vel krakkar.

Bensi

Sundsambandið tilkynnir 7 keppendur á ÓL

Samtök Verslunar og þjónustu setja þrýsting á forystu Sjálfstæðisflokksins að láta af afneitunarstefnu gagnvart ESB

Get ekki annað en glaðst við hvern þann aðila sem tekur þátt í að efla skynsemi okkar og beina sjónum að þeim kostum sem við eigum í samstarfi þjóða og viðskiptum - innan ESB.

Nú hafa SVÞ bæst í hópinn sem setur vaxandi þrýsting á forystu Sjálfstæðisflokksins.  Við vitum að það er hefð fyrir því að lykilmenn í þessum samtökum um viðskipti og verslun hafi beinan aðgang að toppunum í Sjálfstæðisflokknum - - síður að forystumenn í samtökum sósíalista eða svokallaðra vinstri-manna séu þar í kallfæri.

Sé ekki betur en að meginstefna sterkustu samtaka í atvinnulífi og viðskiptum - - og einstaka launþegahreyfingum - - sé orðin algerlega samhljóma við stefnu Samfylkingarinnar í Evrópumálum.   Óskandi að þessir aðilar gangi með opnum augum að því að efla Samfylkinguna til frekari áhrifa - - - - þar sem enginn annar stjórnmálaflokkur er "pro-business" - - og málsvari sjálfstæðs atvinnu og viðskiptalífs.  Pilsfaldakapítalisminn hefur hins vegar alltaf verið ær og kýr Sjálfstæðisflokksins --  að þjóðnýta vandræðin - en einkavæða hagnaðartækifærin.

 

 

Verslunarmenn vilja taka upp evru

Margrét Blöndal líkleg til góðra hluta . . . :Akureyri um verslunarmannahelgina

Sé ástæðu til að binda jákvæðar vonir við að Margrét Blöndal komi inn til að leiða undirbúning og rekstur siðmenntaðrar bæjarhátíðar á Akureyri um verslunarmannahelgina.   Geri alveg ráð fyrir að hún haldi frekju-yfirgangi þröngsýnustu hagsmunaaðilanna í skefjum.

Magga kann að undirbúa dagskrá og keyra prógram.   Óska henni velfarnaðar í undirbúningi og sínum leiðtogastörfum.  

Margrét Blöndal stýrir verslunarmannahelginni á Akureyri

Slysatíðni og áhættuhegðun barnanna; samt "sjálfstæð" og flytja snemma að heiman

Mikilvægar niðurstöður af samanburði á aðstæðum barna á Íslandi og í öðrum Evrópulöndum.   Við högum okkur að mörgu leyti öðruvísi en aðrir í umgengni við og í  uppeldi barnanna.  Við tölum eins og við vitum að íslensk börn séu "agalaus" - - og þá líklega agalausari en annarra þjóða börn og fyrri kynslóðir.

Sjálfsagt er þetta rétt<<<<<<<<<<<<<<<<, þau eru sennilega illa vanin og ekki vel öguð;  ekki alin upp til hlýðni.  Mörg íslensk börn eru sennilega bæði frek og yfirgangssöm - - - en því miður hef ég séð gögn sem benda til þess að íslenskir drengir á aldrinum 15-22 ára séu mjög lítið stilltir inn á árangur.  Þetta sést best á því hversu lágt hlutfall drengja er að skila sér í gegn um framhaldsskólann - - - og sorglega margir drengir eru á algeru rugli á þessum aldri; - í neyslu og iðjuleysi með tilheyrandi áhættuhegðun.

Hvað stendur uppúr þessarri ágætu rannsókn sem Þóroddur Bjarnason prófessor og hans góða fólk var að kynna?

• krökkunum líður vel í skólanum og betur en hjá mörgum öðrum þjóðum
• slysatíðnin er há - sem ber foreldrum og forvörnum ekki vel söguna
• áhættulifnaður á kynlífssviðinu er staðfestur - ótímabært kynlíf stúlknanna ber foreldrum ekki vel söguna
• sjálfstæðir og "yfirgefa foreldra sína" - - eða eru það kannski foreldrarnir sem yfirgefa börnin?
• drykkja og neysla er vandamál . . . . . .

Hér er mörgum spurningum auðvitað ósvarað;  en eins og ég nefndi í innganginum þá er ástæða til þess fyrir okkur að stana okkur betur.  Sinna börnunum betur og setja þeim skarpari ramma.  Sérstaklega þurfum við  hins vegar að sinna drengjunum að því er árangurskröfurnar varaðar;  okkur vantar einhver 10-20% af hverjum einasta árgangi drengja til að skila viðunandi árangri í framhaldsskólanum.    

Auðvitað þurfum við að bæta kennsluna í framhaldsskólanum - sérstaklega í raungreinum - til að betur gangi.  en umfram allt þurfum við að standa okkur betur í uppeldinu og losa krakkana okkar undan þessarri fáránlegu neyslupressu - - og þessarri lausung og frekju sem strákarnir okkar "meika greinilega ekki" 

Há slysatíðni íslenskra barna

Viðskiptaráð á villigötum; - öfgakenningar frjálshyggjunnar valda því að skýrslurnar eru frekar trúboð en greinandi vísindi

Hörmulegt að lesa áróðurinn úr Viðskiptaráði;  Frjálshyggjubullið hefur alveg heltekið þetta ágæta fólk.     Þessi nýja skýrsla - gegn opinberum umsvifum - er framhald af því trúboði sem gengið hefur á síðustu árin; - - að knýja fram aukna markaðsvæðingu og búa til umgjörð um hagnaðardrifna starfsemi einkaaðila í heilbrigðis- og menntakerfinu.

Sjá t.d. skýrsluna um Ísland 2015 - - sem er meira áróður en innihaldsrík greining á hagrænum forsendum.

Hissa á að Viðskiptaráði  að koma núna inn með svona mótsagnarkennda hluti - - þegar allflestir ábyrgir aðilar í efnahags- og atvinnulífi kalla eftir auknum umsvifum ríkis og sveitarfélaga . . . . . . . . .

Hvar er nú viðbúnaðaráætlun Almannavarna, Lögreglunnar og Landhelgisgæslunnar?

Ekki er langt liðið síðan ísbjörn var drepinn - vegna heimskulegs kæruleysis lögreglu og Almannavarna.   Engar varúðarráðstafanir -  gerðar með lokun vega og því að kalla fólk frá svæðum - engin viðbragðsáætlun og leiðsögn til hjá björgunarsveitum, lögreglu og Landhelgisgæslunni - - engar aðgerðir tiltækar til að fanga dýr af þessarri stærð og gerð - - engar áætlæanir um geymslu og flutning slíkra dýar  - í dýragarða eða á mjög Norðlægar slóðir . . . . .

Hvað hefur nú gerst eftir atburðina fyrir stuttu?   Hefur verið gerð áætlun um viðbrögð og eru Almannavarnir og lögreglan í stellingum?   Er Víkingasveitin tiltæk - að vakta dýrið - - verður sett út fóður fyrir dýrið áður en það fer til fjalls  - - eða leggur til atlögu við hús og fólk og búsmalann?

Nú er sem sé orðið morgunljóst að björninn sem felldur var fyrir 2 vikum  - var ekki einsdæmi - - - því annar er mættur.  Þeir gætu orðið fleiri á árinu 2008 - - - og margir á næstu árum  þó ekki sjáist neinn alvöru-hafís.

Hvar eru nú ráðherrar öryggismála - - með sína skotmenn og "Varnarmálastofnun" 

Ísbjörn í æðarvarpi

Skatttekjur ríkissjóðs af söluhagnaði hlutabréfa - verða að engu

Prófessor Ragnar Árnason fer einn "hring" á umfjöllun um ekjufall ríkissjóðs vegna lækkana úrvalsvísitölunnar - hlutabréfahrunið - og svo umsvif hins opinbera. 

Skrítið að við erum aftur og aftur að sjá þá hagfræðinga sem til skamms tíma voru hallir undir lágmörkuð umsvif ríkisvalds - - og lágmarkað regluverk - kalla nú eftir því að opinberir aðilar beiti opinberum framkvæmdum til að fleyta hagkerfinu yfir þá kreppu sem markaðasaðilar græðginnar hafa framkallað

Svo eru nú ekki margar vikur síðan að Alþingi Islendinga samþykkti lög um skattfrelsi hagnaðar fyrirtækjanna af söl hlutabréfa . . . . . . . . . .

. . . . .  almenningur á sem sagt alltaf að taka á sig útgjöldin vegna niðursveiflunnar - en fjármagnseigendur fara með hagnaðinn (í eitthvert skattaskjólið erlendis).

Gott og vel ríki og sveitarfélög þurfa að leggja mikið að mörkum  - af almannafé - - þannig á kostnað alls almennings - -  til þess að við fleytum okkur í gegn um verstu lægðina í efnahagslífinu.   Því verður hins vegar að fylgja að Alþingi og eftirlitsstofnanir setji skarpari ramma utan um viðskipti og svigrúm einkaaðilanna til að beita tæknilegum uppgjörsbrellum - til að framkalla sýndahagnað í fyrirtækjasamasteypunum - reglum sem geta stemmt stigu við gengdarlausu kauprétta- og launasukki - - - - reglum sem kalla fram gagnsæi í viðskiptunum og stöðva ræningjaliðið . . . . . . 

Frjálshyggjan og illa grunduð markaðsvæðing og einkavæðing í fákeppnisumhverfinu okkar hefur þegar  reynst okkur afar dýrkeypt og er að koma fram nú þessa síðustu mánuðina.   Of lítið eftirlit og of veikburða eftirlitskerfi og leyndarhjúpur stórkapítalsins hefur gefið græðgisvæddum kapitalistum færi á að fara  rænandi og ruplandi um hagkerfi Vesturlanda - - -með þeim afleiðingum sem við nú erum að sjá.

Vaxandi misrétti og ofurgróði fárra; - - og nú hikstar hagkerfið í okkar heimshluta þannig að atvinnuöryggi fjöldans er ógnað - um leið og lífsgæði og framtíðarhamingju margra verða takmörkuð langt umfram það sem teljast mætti óhjákvæmilegt.

Svei; F rjálshyggjunni og því öfgaliði sem tróð henni yfir okkur - - og vei okkur veiklyndum jafnaðarmönnum og hófsömum talsmönnum skynseminnar fyrir vesaldóminn við að verja almannahagsmuni og jafnræðisdrauma réttláts samfélags.  Íslenskir miðju og vinstrimenn hafa staðið sig verr en raunin er meðal flestra V-Evrópuþjóða í þeirri baráttu.    

En nú er mikilvægt að nota tækifærið og reka undanhald F rjálshyggjunnar . . . . út í hafsauga...

Ríkið verður af tugum milljarða vegna lækkunar hlutabréfa

Mývetningar nær og fjær! Leggjum Höfða lið

Skora á alla Mývetninga og velunnara Fólkvangs og almenningsgarðs í Höfða að leggja Höfða lið og Höfðafélaginu.

Nú stendur bara upp á Ásgeir Böðvarsson og þau önnur sem leitt hafa þetta félag að opna fyrir velunnurum - sem vilja leggja lið með fjármunum og með stuðningi sínum á öllum vettvangi.

 

Uppboð á Höfða við Mýtvatn fellt niður

Til hamingju Jón Ágúst og félagar hjá Marorku

Frábært að vita að fyrirtæki með ölfugan frumkvöðlaanda eins og Marorka skuli nú hljóta tilnefningar - - lít á þetta sem viðurkenningu . .  per se.

Til hamingju Jón Ágúst og samstarfsmenn . . .

Marorka tilnefnd til umhverfisverðlauna

Efnahagslífið á hraðri niðurleið - - - og enginn gerir neitt!

Undrar mig hversu lítil viðbrögð eru undirbúin eða bollalagt um gagnvart hinum mikla og hraða niðurgangi efnhagslífsins á Íslandi þessi vordagana.

Vitnað er í frálshyggjuöfgamenn sem enn reyna að telja fólki trú um að reglur og aðgerðir stjórnvalda og fjármálakerfis "sé hættulegra í sjálfu sér" heldur en kreppan.   Minna fer fyrir því að vitnað sé í þá háskólaprófessora og greinendur sem mæla með því að alþjóðlega verði sameinast um aðgerðir og opinbert regluverk - - til að koma í veg fyrir að fjármálafyrirtækin stundi vafasöm viðskipti sem velt geta utan á sig - - og leitt til keðjuverkana eða framkallað dómínóáhrif sem ekki sér fyrir endann á.

Það er vaxandi skilningur á því að "markaðurinn" er hvorki náttúrlögmál né heldur að hann hagi sér af upplýstri skynsemi - - markaðurinn getur ekki hagað sér með "siðferðilega verjandi hætti" - og alveg verður það sérlega erfitt fyrir markaðinn að bregðast við í kreppuástandi - - þar reyna allir að bjarga sér á kostnað náungans.

Frjálshyggjunni hefur verið greitt þungt högg - - og ástæða til þess fyrir frjálslynda jafnaðarmenn og hófsemdarmenn í hagfræðinni og pólitíkinni að reka nú flóttann - - þegar öfgarnar verða undan að láta.    Það þarf að afhjúpa áróður og lygavef frjálshyggjunnar - - og það þarf að stilla upp og draga fram þá meginkosti sem jafnvægislist hins blandaða hagkerfis - með öflugum viðskiptum á markaði og með samkeppniseftirliti - - þar sem regluverk og eftirlit og upplýsingaskylda - - gera aðilum erfitt fyrir að stunda ólög og halda úti markaðshamlandi einokunartilburðum - - . . . .

Í efnahags-lægðinni felast tækifæri fyrir klassískar lausnir jafnaðarstefnunnar og réttlætis og lýðræðisvæðingar  . . ..  okkar er að kunna að nota tækifærin . .